PENTING MERGA: Awaké dhéwé isa ”mènèhi kesaksian kanthi tliti bab kabar apik” liwat télpon. (Kis 20:24) * Awaké dhéwé isa tetep nginjil senajan ora langsung ketemu karo wongé.

CARANÉ:

• Persiapan. Golèka topik sing cocog. Tulisen apa sing kira-kira arep diomongké. Awaké dhéwé ya isa mikirké carané nerangké tujuané awaké dhéwé nélpon nèk dikon ninggalké pesan suara. Pas nélpon, luwih apik nèk lungguh lan nyiapké kabèh sing dibutuhké kanggo nginjil, termasuk cathetan soal apa sing arep diomongké. Awaké dhéwé ya isa nyiapké HP utawa tablèt kanggo mbukak JW Library^® utawa jw.org^®

• Tetep Tenang. Kudu tenang wektu ngomong. Kudu senyum kaya nèk ketemu langsung. Ngomongé kudu lancar. Luwih apik nèk ana sedulur liya wektu nélpon. Nèk sing dikabari takon, sebutna manèh pitakonané bèn sedulur mau isa mèlu nggolèki jawabané

• Mènèhi bahan sing arep dirembug. Nèk sing dikabari minat, awaké dhéwé isa mènèhi pitakonan sing isa dijawab pas nélpon manèh. Awaké dhéwé isa nawakké wacan. Kuwi isa dikirim liwat e-mail, liwat surat, utawa diterké langsung. Nèk wongé gelem, awaké dhéwé isa ngirim vidéo utawa artikel liwat SMS utawa e-mail. Nèk cocog, awaké dhéwé isa nduduhké topik sing menarik ing website jw.org