Kowé péngin nduwé kanca sing kaya apa? Kowé mesthi péngin nduwé kanca sing apikan, murah hati, lan ora bakal ninggalké kowé. Yéhuwah kanca sing kaya ngono. (Pa 34:6; Kis 14:17) Wektu awaké dhéwé ndonga, Yéhuwah ngrungokké. Wektu awaké dhéwé njaluk tulung, Yéhuwah nulungi. (Ms 18:20, 36) Yéhuwah ngampuni kesalahané awaké dhéwé. (1Yoh 1:9) Yéhuwah kuwi kanca sing luar biasa.

Piyé bèn isa dadi kancané Yéhuwah? Wacanen Alkitab bèn isa ngerti soal Yéhuwah. Critakna perasaanmu karo Yéhuwah. (Ms 62:9; 142:3) Buktèkna nèk sing penting kanggo Yéhuwah kuwi ya penting kanggomu, misalé putrané, kerajaané, lan janjiné soal masa depan. Critakna soal Yéhuwah karo wong liya. (PT 32:3) Nèk terus ngupaya dadi kancané Yéhuwah, kowé bakal dadi kancané Yéhuwah saklawasé.​—Ms 73:25, 26, 28.

DELOKEN VIDÉO CAH ENOM, BUKTÈKNA NÈK YÉHUWAH KUWI APIKAN, TERUS JAWABEN PITAKONAN-PITAKONAN IKI:

• Piyé bèn kowé siap nggawé janji ngabdi lan dibaptis?

• Piyé para sedulur ing jemaat mbantu kowé bèn isa terus nglayani Yéhuwah?

• Apa sebabé nginjil nggawé kowé cedhak karo Yéhuwah?

• Kowé nduwé kesempatan kanggo nglayani ing endi waé?

• Apa sebabé kowé ngrasa nèk Yéhuwah kuwi apikan?