Ototé atlét kudu terus dilatih bèn tetep kuwat. Pikirané awaké dhéwé ya kudu terus dilatih bèn isa nggawé keputusan sing bener. (Ibr 5:14) Mungkin luwih gampang nèk mèlu-mèlu wong liya. Tapi, pikirané awaké dhéwé kudu dilatih bèn isa nggawé keputusan dhéwé. Lha ngapa? Merga saben wong kudu tanggung jawab karo keputusané dhéwé.​—Rm 14:12.

Aja nganggep nèk keputusané awaké dhéwé mesthi bener mung merga wis suwé dibaptis. Bèn isa nggawé keputusan sing bener, awaké dhéwé kudu ngendelké Yéhuwah, manut karo Alkitab, lan manut karo organisasiné.​—Yos 1:7, 8; WB 3:5, 6; Mat 24:45.

DELOKEN VIDÉO ”JAGANEN HATI NURANIMU TETEP APIK”, TERUS JAWABEN PITAKONAN-PITAKONAN IKI:

• Emma kudu nggawé keputusan apa?

• Nèk kuwi soal hati nurani, ngapa kok awaké dhéwé aja ngomongké pikirané dhéwé?

• Emma éntuk naséhat apa saka Charlotte lan Allan?

• Ing endi Emma isa nggolèki keterangan sing cocog karo keadaané?