Awaké dhéwé mesthi seneng banget merga ana brosur lan buku sing anyar kanggo mandhu sinau Alkitab. Awaké dhéwé isa ndonga njaluk bantuané Yéhuwah bèn isa mbantu wong akèh dadi muridé Yésus. (Mat 28:18-20; 1Kor 3:6-9) Piyé carané nggunakké brosur lan buku iki?

Brosur lan buku Bahagia Saklawasé dirancang bèn sing sinau lan sing mandhu diskusiné isa luwih nyenengké. Pas persiapan lan pas mandhu, njenengan isa ngikuti cara-cara iki. *

• Bahané diwaca dhisik, terus pertanyaané dibahas

• Ayat sing ana tulisané ”wacanen” diwaca, terus sing sinau dibantu bèn ngerti maksudé ayat kuwi

• Vidéoné disetèl, terus dibahas nganggo pertanyaan sing wis ana ing kono

• Nèk isa, saben sinau ngrampungké sak pelajaran

Pas nginjil, njenengan isa nawakké brosur Bahagia Saklawasé bèn ngerti wongé kuwi gelem sinau Alkitab apa ora. (Deloken kothak ” Carané Nawakké Brosur Bahagia Saklawasé—Pelajaran Awal Sinau Alkitab Pas Ngabar”.) Nèk brosuré wis rampung dibahas, terus wongé isih gelem sinau, njenengan isa nawakké buku Bahagia Saklawasé, lan sinauné isa dilanjutké mulai pelajaran 04. Nèk njenengan lagi mandhu sinau Alkitab nganggo buku Wulangan Alkitab utawa buku Tetep Ditresnani Gusti Allah, njenengan isa ganti nganggo buku Bahagia Saklawasé. Njenengan isa milih dhéwé pelajaran endi sing cocog kanggo neruské sinauné.

DELOKEN VIDÉO PENGANTAR KANGGO SINAU ALKITAB, TERUS JAWABEN PITAKONAN-PITAKONAN IKI:

• Sing sinau bakal ngerti apa waé saka buku iki?

• Ngapa kok wong sing arep mulai sinau Alkitab kudu nonton vidéo iki?

• Saben sinau kudu nduwé tujuan apa waé?​—Deloken kothak ” Inti lan Tujuané Saben Bagéan”