Saben taun, ana pelayan sepenuh waktu khusus saka endi-endi sing diundang mèlu Sekolah Alkitab Giléad Menara Pengawal. Sekolah kuwi dianakké ing Pusat Pendidikan Menara Pengawal ing Patterson, New York.⁠ a Para siswané diajari bèn isa luwih trampil pas nglakoni tugasé. Terus, para siswané ya dilatih bèn isa ndhukung para sedulur ing jemaat lan kantor cabang.

 Sing mèlu Sekolah Giléad kuwi asalé saka endi-endi. Misalé, taun 2019 ana 56 siswa saka 29 negara sing mèlu kelas 147. Sing mèlu sekolah iki mauné ya wis nglayani dadi pelayan sepenuh waktu khusus. Ana sing dadi anggota Bètel, pinituwa wilayah, utusan injil, utawa perintis istiméwa.

 Ana akèh sing kudu disiapké. Misalé, Departemèn Perjalanan ing Kantor Pusat nukokké tikèt kanggo para siswa. Tikèt pulang pergi kanggo saben siswa kelas 147 rata-rata 15 juta rupiah. Siswa saka Kepulauan Solomon kudu ganti pesawat ping papat pas mangkaté, terus ping telu pas mulihé. Total perjalanané 35.400 kilomèter. Terus, biaya penerbangané kanggo saben siswa kira-kira 33 juta rupiah. Departemèn Perjalanan mesenké tikèt nganggo program komputer bèn isa éntuk rega sing luwih murah. Malah meskipun wis pesen tikèté, program komputer kuwi isih terus nggolèkké tikèt sing paling murah nganti beberapa minggu, utawa malah beberapa bulan bar kuwi. Terus, Departemèn Perjalanan ya tuku tikèt nganggo poin penerbangan sing disumbangké.

 Akèh siswa sing mèlu Sekolah Giléad butuh visa bèn isa lunga ing Amerika Serikat. Mulané, para siswa kuwi dibantu karo Departemèn Hukum ing Kantor Pusat bèn isa éntuk visa pelajar. Regané visa lan biaya pendaftarané kuwi rata-rata 7,4 juta rupiah kanggo saben siswa.

 Apa manfaaté Sekolah Giléad kanggo para sedulur ing jemaat? Ana sepasang suami istri lulusan Giléad sing ditugaské ing jemaat ing Indonesia. Hendra Gunawan, pinituwa ing jemaat kuwi, crita, ”Mauné, ing jemaatku ora ana perintis biasa. Tapi sakwisé lulusan Giléad kuwi teka, para sedulur ing jemaat dadi ketularan semangaté, terus ya mulai merintis. Malah, ana siji sedulur wédok ing jemaatku sing akhiré mèlu Sekolah bagi Penginjil Kerajaan.”

 Sergio Panjaitan sing kerja sama karo lulusan Giléad ing Bètel Indonesia crita, ”Sing éntuk manfaat ora mung meréka, tapi keluarga Bètel ya isa ngrasakké manfaaté. Meréka kuwi trampil banget, tapi ora sombong, malah seneng berbagi apa sing wis meréka pelajari. Kami dadi ketularan semangaté lan ya dadi péngin nyemangati liyané.”

 Piyé Sekolah Giléad dibiayai? Akèh sing nyumbang kanggo gawéan sak donya nganggo cara-cara sing ana ing donate.pr418.com. Maturnuwun merga njenengan murah hati.