Saben taun saya akèh sing dibaptis, mula dibutuhké luwih akèh bangunan kanggo ngibadah. Dadi, Departemèn Rancang/Bangun Setempat ing sak donya nggawé rencana kanggo mbangun utawa ngrénovasi luwih saka 2.700 panggonan ibadah saksuwéné taun dinas 2020. a

 Rencana kuwi durung isa kelakon merga ana wabah corona. Merga manut pamréntah lan péngin para sedulur tetep séhat, Panitya Penerbitan saka Pengurus Pusat ngendhegké sik gawéan iki. Ning, sakdurungé ana wabah corona wis ana luwih saka 1.700 panggonan ibadah sing dibangun lan dirénovasi saksuwéné taun dinas 2020. Terus, ya ana Bètel, kantor penerjemahan (RTO), bangunan sekolah, lan bangunan liyané sing jumlahé luwih saka 100 sing wis rampung dibangun. Gatèkna piyé para sedulur isa éntuk manfaat saka proyèk pembangunan loro iki.

 Cabang Kamerun. Kantor cabang sakdurungé sing ana ing Douala kuwi cilik banget lan nèk dirénovasi mbutuhké biaya sing akèh. Mula, Panitya Penerbitan nggawé rencana mbangun kantor cabang ing panggonan sing anyar utawa tuku bangunan terus dirénovasi. Ning, loro-loroné ora isa kelakon.

 Terus, para sedulur ngerti nèk ing sebelah utara Douala, pamréntah arep mbangun dalan ing dhaérah Balé Kebaktian. Merga ana dalan kuwi nèk arep ing kantor cabang dadi luwih gampang. Terus listrik, banyu, lan sinyal ya bakal luwih gampang. Kuwi sesuai karo sing dibutuhké kantor cabang. Pengurus Pusat setuju nèk kantor cabang sing anyar dibangun ing panggonan sing padha karo Balé Kebaktian.

 Seksi-Seksi Yéhuwah kerjasama karo kontraktor. Kuwi nggawé proyèké luwih cepet rampung lan luwih ngirit nganti rong juta dolar AS. Akhiré, anggota Bètel isa pindhah ing kantor cabang sing anyar sakdurungé ana wabah corona.

 Anggota Bètel ing Kamerun ngrasa seneng lan nyaman wektu kerja. Para sedulur ya ngrasa nèk kuwi hadiah saka Yéhuwah. Ana pasangan sing ngomong, ”Aku menghargai banget hadiah iki, kuwi nggawé aku luwih semangat kerja.”

 RTO Tojolabal, Meksiko. Pirang-pirang taun tim penerjemah Tojolabal kerja ing cabang Amerika Tengah cedhaké Meksiko. Ning, basa Tojolabal digunakké ing dhaérah Altamirano lan Las Margaritas sing jaraké kira-kira 1.000 kilomèter saka kono. Kuwi nggawé para penerjemah dadi angèl nerjemahké basa Tojolabal sing wajar. Terus, kantor cabang ya kangèlan nggolèk para sedulur sing isa mbantu penerjemahan lan rekaman audio basa Tojolabal.

 Mula, Panitya Penulisan saka Pengurus Pusat péngin tim penerjemah dipindhah ing dhaérah sing nganggo basa Tojolabal. Akhiré, kantor cabang mutuské tuku lan ngrénovasi bangunan kuwi. Hasilé, dadi luwih ngirit biaya ketimbang mbangun utawa nyéwa bangunan.

 Ana penerjemah sing ngomong, ”Saksuwéné sepuluh taun aku kerja dadi penerjemah ing kantor cabang, aku ora tau ketemu karo keluarga sing nganggo basa Tojolabal ing cedhak kono. Ning, saiki kantor penerjemahan sing anyar ana ing dhaérah sing wong-wongé nggunakké basa Tojolabal. Aku dadi isa omong-omongan karo wong-wong sing nganggo basa Tojolabal saben dina. Kuwi nggawé aku dadi luwih ngerti soal basa Tojolabal lan luwih trampil wektu nerjemahké.”

 Ing taun dinas 2021, rencanané arep ngrampungké 75 RTO lan bangunan-bangunan sekolah. Terus, ya arep ngrampungké wolu proyèk cabang utama, kuwi termasuk proyèk kantor pusat sing anyar ing Ramapo, New York lan pindhahan Kantor Cabang Argentina lan Italia. Sakliyané kuwi dibutuhké luwih saka 1.000 Balé Ibadah sing anyar, luwih saka 6.000 panggonan ibadah sing kudu dirénovasi utawa dibangun, lan 4.000 Balé Ibadah sing kudu dirénovasi.

 Piyé kabèh pembangunan lan rénovasi dibiayai? Pas mbahas soal proyèk RTO Tojolabal, Sedulur Lázaro González, anggota Panitya Cabang Amerika Tengah ngomong, ”Wilayah cabang kéné ora nduwé cukup biaya. Ning, proyèk iki isa berhasil merga ana sumbangan saka para sedulur sak donya. Merga sumbangané para sedulur, para penerjemah isa pindhah ing dhaérah sing nganggo basa Tojolabal. Maturnuwun banget kanggo kabèh sumbangané para sedulur sak donya.” Dadi, kabèh proyèk iki isa dirampungké merga sumbangané njenengan kanggo gawéan sak donya, sing disumbangké liwat donate.pr418.com.