Sedulur wédok saka Kolombia sing jenengé Nicole ngomong, ”Aku seneng teka ing Balai Ibadah, ing kéné aku isa bergaul karo sedulur-sedulur.” Apa perasaané njenengan ya padha?

 Seksi-Seksi Yéhuwah nduwé sekitar 63.000 Balai Ibadah ing sak donya. Dadi ngibadahé isa luwih nyaman. Tapi ora mung kuwi, perintis biasa saka Kolombia sing jenengé David ngomong, ”Nèk ndelok Balai Ibadah, wong-wong isa waé dadi tertarik karo ajarané Seksi Yéhuwah. Akèh sing kagum merga ndelok nèk Balai Ibadahé awaké dhéwé resik lan terawat.” Mémang bèn Balai Ibadahé isa resik lan terawat, awaké dhéwé kudu rutin ngresiki lan ndandani bangunané. Apa waé sing kudu diupayakké?

 Sing kudu tanggung jawab ngrawat ya jemaat-jemaat sing nganggo Balai Ibadah kuwi. Mula, sedulur-sedulur rutin ngresiki Balai Ibadahé. Terus ya langsung ndandani sing rusak bèn ora tambah parah.

 Departemèn Rancang/Bangun Setempat (RBS) nugaské sedulur lanang kanggo dadi pelatih pemeliharaan Balai Ibadah. Saben pelatih pemeliharaan nduwé tanggung jawab kanggo ngawasi enem nganti sepuluh Balai Ibadah. Dhèwèké bakal teka lan nglatih sedulur-sedulur carané ngrawat Balai Ibadah. Saben telung taun, dhèwèké bakal mriksa apa Balai Ibadahé isih aman utawa apa ana sing perlu diperbaiki.

 Sedulur-sedulur seneng banget merga ana sing nglatih carané ngrawat Balai Ibadah. Sedulur wédok saka India sing jenengé Indhumathi ngomong, ”Pelatihané apik banget. Nyenengké isa ngerti carané ngrawat Balai Ibadah.” Sedulur lanang saka Kenya sing jenengé Evans ngomong, ”Kami belajar ndandani sing mulai rusak bèn mengkoné ora tambah parah lan ngentèkké akèh biaya.”

 Biaya bèn Balai Ibadah isa terus dienggo lan biaya perawatan isa nganti atusan bahkan éwonan dolar AS. a Kuwi bergantung karo lokasiné Balai Ibadah, usia bangunané, lan jumlah jemaat sing nganggo Balai Ibadah kuwi. Lha terus kabèh biaya kuwi isa dibayar saka endi?

 Perawatan Balai Ibadah dibiayai nganggo sumbangané para sedulur. Sedulur lanang saka Kazakstan sing jenengé Alexander ngomong, ”Sumbangané para sedulur mau ya dienggo mbayar internèt, banyu, listrik, tisu, sarung tangan, sabun, peralatan kebersihan, lan cèt.” Sumbangané para sedulur ya digunakké kanggo perawatan Balai Ibadah sak donya sing mbutuhké luwih akèh biaya.

 Kadhang Balai Ibadah butuh perawatan sing biayané larang. Nèk jumlah biayané ngluwihi pengeluaran kanggo perawatan Balai Ibadah rong sasi utawa telung sasi, para pinituwa bakal njaluk arahan karo pelatih pemeliharaan RBS. Terus nèk RBS wis setuju, biaya perawatané mengko saka sumbangan kanggo gawéan sak donya. Selama taun dinas 2023, ana 8.793 proyèk rénovasi sing wis rampung lan kuwi ngetokké biaya nganti 76,6 juta dolar AS. Iki ana loro contoné.

 Ing Angola, ana Balai Ibadah sing bangunané wis 15 taun lan ana beberapa bagéan sing kudu didandani. Misalé ndandani bagéan listrik lan témbok sing retak. Terus ya ana saluran air sing kudu didandani merga banyuné tekan omahé wong-wong sekitar kono. RBS ngatur kanggo rénovasi lan biayané 9.285 dolar AS. Wong-wong ing sekitar kono maturnuwun banget lan kagum karo proyèk rénovasi kuwi.

 Balai Ibadah ing Polandia atapé bocor, terus karpèté ya rusak lan ora isa didandani. Bagéan RBS wis menyetujui bèn atapé didandani lan digawé tahan air. Terus karpèté ya diganti. Biaya rénovasiné 9.757 dolar AS. Merga wis didandani, beberapa taun kedepan Balai Ibadahé ora perlu akèh rénovasi.

 Sakliyané menghémat biaya sumbangan, proyèk rénovasi ya isa ngluhurké Yéhuwah. Sedulur saka Tonga sing jenengé Shaun ngomong, ”Merga terus dirawat, kami isa ngibadah ing Balai Ibadah sing resik, terawat, terus ya ora ana sing rusak. Wong-wong ing sekitar dadi nduwé pandhangan sing apik soal Yéhuwah. Kami dadi semangat ngundang wong-wong teka ing Balai Ibadah.”

 Awaké dhéwé ya isa mèlu ngresiki lan ngrawat Balai Ibadah. Pelatih pemeliharaan saka Australia sing jenengé Marino ngomong, ”Awaké dhéwé éntuk tugas sing penting kanggo mèlu ngrawat Balai Ibadah. Manfaaté, dhuwit sumbangan isa dihémat terus ya isa dienggo liyané sing luwih penting.”

 Joel, salah siji sedulur saka India, seneng ngrawat Balai Ibadah. Dhèwèké ngomong, ”Wektu kerja sama karo sedulur-sedulur, aku dadi isa mbayangké sukmbèn ing donya anyar mesthi rasané ya seneng isa kerja sama kaya ngéné.” Nicole, sing disebutké sakdurungé ya ngomong, ”Pas ana sedulur sing lagi ndandani toilèt sing bocor, aku ngéwangi ngepèl. Meskipun dudu aku sing ndandani tapi aku seneng isa mbantu bèn ora ana sing keplèsèt.”

 Nèk péngin mèlu ngrawat Balai Ibadah, ngomonga karo pinituwa ing jemaaté njenengan. Sumbangané njenengan ora mung dienggo ngrawat Balai Ibadah ing dhaérahé njenengan thok, tapi ya Balai Ibadah ing sak donya. Njenengan isa nyumbang ing kothak sumbangan sing ana ing Balai Ibadah utawa liwat donate.pr418.com. Kami maturnuwun banget merga njenengan murah hati.