KUDU TERUS JAGA-JAGA

Menurut Alkitab, Apa Sedhéla Manèh Bakal Kiamat?

PUTER

Tanggal 24 Januari 2023, para ilmuwan setuju nèk Jam Kiamaté bumi a wis tambah cedhak.

”Merga perang ing Ukraina, ancaman perang nuklir, lan krisis iklim, para ilmuwan setuju nèk Jam Kiamat bumi wis tambah cedhak.”—AFP International Text Wire.
”Para ilmuwan ngomong nèk Jam Kiamaté bumi wis tinggal 90 detik manèh. Kuwi berarti kiamat wis cedhak banget.”—ABC News.
”Menurut para ilmuwan ing sak donya, bumi iki wis ora aman dienggoni manungsa.”—The Guardian.

Apa mémang sedhéla manèh bakal kiamat? Apa bumi bakal hancur? Menurut Alkitab piyé?

Sing bakal kelakon

Menurut Alkitab, bumi bakal ”tetep ana saklawasé” lan ana wong-wong sing bakal ”manggon ing kono saklawasé”. (Pengkhotbah 1:4; Mazmur 37:29) Dadi, bumi ora mungkin hancur.

Tapi, ing Alkitab mémang disebutké nèk ”donya iki . . . arep disingkirké”.—1 Yohanes 2:17.

Maksudé apa? Wacanen artikel ”Apakah Sebentar Lagi Kiamat? Apa Itu Apokalips?”
Terus, kuwi kelakoné kapan? Wacanen artikel ”Kapan Dunia Ini Akan Berakhir?”

Ora perlu wedi

Ing Alkitab ana ayat-ayat sing isa mbantu awaké dhéwé bèn ora wedi, meskipun keadaan ing donya tambah parah.

Ing Alkitab ana saran-saran sing bermanfaat. (2 Timotius 3:16, 17) Contoné, deloken ing artikel ”Piyé Carané Bèn Ora Terlalu Kuwatir?”
Ing Alkitab disebutké nèk sukmbèn keadaané bakal dadi luwih apik. (Roma 15:4) Ing Alkitab ya dijelaské apa waé sing bakal kelakon, dadi awaké dhéwé ora perlu wedi.

Nèk péngin ngerti luwih akèh soal Alkitab, njenengan isa sinau Alkitab gratis karo Seksi-Seksi Yéhuwah.

a ”Jam Kiamat kuwi perkiraané para ilmuwan soal kapan bumi bakal hancur merga tèknologi sing berbahaya. Tujuané kuwi digawé kanggo ngélingké wong-wong bèn luwih perduli karo lingkungan lan bumi.”—Bulletin of the Atomic Scientists.