Ing endi-endi ana akèh wong sing ora adil. Akibaté, wong liya isa dadi sengsara. Iki contoné:

•   Ing Januari 2018, ing Amerika Serikat, ana wong lanang sing dibébaské sakwisé 38 taun dipenjara. Dhèwèké terbukti ora bersalah, merga ana pemeriksaan DNA.

•   Ing September 1994, ana cah enom telu ing Afrika sing dipenjara merga ora gelem dadi tentara. Nganti September 2020, meréka wis dipenjara 26 taun padahal durung tau digawa ing pengadilan.

 Nèk ana sing ora adil karo awaké dhéwé, mungkin awaké dhéwé ngrasa kaya Ayub. Ayub ngomong, ”Aku terus sambat merga kesusahanku, tapi ora ana sing njawab.” (Ayub 19:7) Ing Alkitab ana janji nèk ing masa depan kabèh wong bakal adil. Ning, piyé nèk saiki ana sing ora adil karo awaké dhéwé? Ing Alkitab ana saran-saran sing isa mbantu awaké dhéwé.

 Ing Alkitab ditulis nèk Gusti Allah kuwi adil. (Yésaya 51:4) Dadi, nèk ana wong sing ora adil kuwi merga ora manut karo Gusti Allah. Ing Alkitab kata ”adil” lan ”bener” kuwi ana hubungané. (Mazmur 33:5) Nèk wong tingkah lakuné bener lan manut karo Gusti Allah, mesthi wong kuwi adil. Dadi, wong sing ora adil kuwi merga dosa lan ora manut karo Gusti Allah. Contoné:

•   Égois. Wong sing égois kuwi biasané bakal nggawé dosa. (Yakobus 1:14, 15) Merga mung mikirké kepentingané dhéwé, dhèwèké dadi ora adil karo wong liya. Padahal, Gusti Allah péngin awaké dhéwé luwih mikirké kepentingané wong liya.​—1 Korintus 10:24.

•   Ora ngerti sing bener. Ana sing ora adil karo wong liya merga dhèwèké ora ngerti nèk sakjané kuwi salah. Ning, menurut Gusti Allah kuwi tetep salah. (Roma 10:3) Contoné, wektu Yésus Kristus dipatèni.​—Kisah 3:15, 17.

•   Organisasi sing ora gelem dituntun Gusti Allah. Para pemimpin politik, pebisnis, lan pemimpin agama kuduné adil. Ning nyatané ora kaya ngono. Meréka malah ora adil. Mungkin ana sing niaté apik, tapi upayané wong-wong kuwi ora bakal berhasil nèk ora manut karo Gusti Allah.​—Pengkhotbah 8:9; Yérémia 10:23.

 Ora. Dhèwèké sengit karo wong sing ora adil. (Wulang Bebasan 6:16-18) Makané, liwat Nabi Yésaya, Dhèwèké ngomong, ”Aku, Yéhuwah, a seneng karo apa sing adil. Aku sengit karo apa sing ora bener lan karo wong sing ngrampok.”​—Yésaya 61:8.

 Liwat Hukum Musa, Yéhuwah péngin bèn wong Israèl adil. Misalé, Gusti Allah péngin bèn para hakim ora pilih kasih lan ora nampa suap. (Pangandharing Torèt 16:18-20) Terus, wong sing ora adil karo wong sing mlarat ya bakal dihukum karo Gusti Allah.​—Yésaya 10:1-3.

 Ora. Mengko manungsa ora bakal nduwé dosa manèh lan isa sampurna merga tebusané Yésus. (Yohanes 1:29; Roma 6:23) Dadi, kabèh manungsa bakal adil. Liwat Kerajaané Gusti Allah, manungsa bakal dipréntah karo raja sing adil lan isa urip ing donya anyar. (Yésaya 32:1; 2 Pétrus 3:13) Bèn isa ngerti luwih akèh soal Kerajaané Gusti Allah, deloken vidéo Kerajaané Gusti Allah Kuwi Apa?

 Keadaané bakal aman lan damai, merga kabèh wong sing manggon ing bumi kuwi adil. (Yésaya 32:16-18) Gusti Allah nganggep uripé kabèh wong kuwi berharga. Dadi, Dhèwèké mesthi bakal adil. Wong sing tau dijahati mengko ora bakal sedhih manèh. Malah, kenangan buruké ya wis ora ana. (Yésaya 65:17; Wahyu 21:3, 4) Bèn isa ngerti luwih akèh, wacanen ”Apa sing Bakal Ditindakké Kratoné Allah?”

 Isa. Akèh ramalan ing Alkitab sing wis kelakon. Isiné nyambung saka awal tekan mburi, terus ya cocog karo sejarah lan ilmu pengetahuan. Dadi, njenengan isa yakin nèk janji-janji ing Alkitab mesthi bakal kelakon. Njenengan ya isa nonton vidéo lan maca artikel iki:

•   Apa Buktiné Nèk Isiné Alkitab Kuwi Bener? (vidéo)

•   ”Nubuat-Nubuat sing Wis Kelakon”

•   ”Nubuatnya Selalu Tergenap”

•   ”Alasan untuk Mempercayai Alkitab”

 Ora. Misalé, Rasul Paulus tau dijahati lan arep dihukum mati. Ning, dhèwèké ora pasrah waé. Dhèwèké njaluk bandhing karo Kaisar.​—Kisah 25:8-12.

 Mémang, manungsa ora isa ngrampungi masalah-masalah sing ana saiki. (Pengkhotbah 1:15) Ning, akèh sing isa tetep bahagia senajan dijahati wong liya merga percaya karo janjiné Gusti Allah.