Ana beberapa wong sing ngombé alkohol wektu dhèwèké lagi strès lan kesepian. Apa njenengan ya ngombé alkohol? Nèk iya, piyé carané njenengan isa mastèkké nèk ora kakèhan ngombé alkohol utawa kecanduan alkohol? Gatèkna beberapa katrangan sing isa mbantu njenengan.

•  Sepira akèhé alkohol sing éntuk diombé?

•  Tandha-tandha penyalahgunaan alkohol

•  Lima saran sing isa mbantu njenengan

 Alkitab kandha: ”Aja srawungan karo wong kang karem ngombé anggur.”​—Wulang Bebasan 23:20.

 Pikirna: Alkitab ora nglarang awaké dhéwé ngombé alkohol. (Kohèlèt 9:7) Ning, Alkitab kandha aja nganti awaké dhéwé kakèhan ngombé alkohol lan mabuk. (Lukas 21:34; Éfésus 5:18; Titus 2:3) Senajan ora nganti mabuk, ning kakèhan ngombé alkohol isa ana pengaruhé kanggo keséhatané njenengan, keputusané njenengan, lan hubungané njenengan karo wong liya.​—Wulang Bebasan 23:29, 30.

 Akèh pamréntah sing setuju nèk ngombé alkohol kuwi kudu ana batesé. Pamréntah ya mbatesi sepira akèhé alkohol sing éntuk diombé saben dinané lan seminggu ping pira éntuk ngombé alkohol. a Ning, pengaruhé alkohol kanggo saben wong kuwi béda-béda, lan luwih apik nèk babar blas ora ngombé alkohol pas situasi tertentu. Organisasi Kesehatan Dunia kandha:

 ”Kadhang, ngombé sak gelas utawa rong gelas waé wis kakèhan kanggo:

•   Wong sing lagi nyetir utawa ngoprasiké mesin.

•   Wong sing lagi hamil utawa nyusoni.

•   Wong sing lagi éntuk perawatan keséhatan.

•   Wong sing nduwé penyakit tertentu.

•   Wong sing kecanduan.”

 Alkitab kandha: ”Mara, payo padha naliti lan mriksa urip kita.”​—Kidung Pangadhuh 3:40.

 Pikirna: Bèn ora kena pengaruh èlèk saka alkohol, njenengan kudu mriksa kebiasaané njenengan lan nggawé perubahan. Ing ngisor iki tandha-tandhané nèk njenengan kecanduan alkohol.

•   Ngrasa seneng wektu ngombé alkohol. Njenengan ngrasa nèk kudu ngombé alkohol bèn isa tetep tenang, gampang bergaul, lan luwih semangat. Njenengan ya ngombé alkohol wektu ana akèh masalah.

•   Njenengan dadi ngombé alkohol luwih akèh. Njenengan luwih kerep ngombé. Njenengan ngombé alkohol sing luwih keras manèh, merga sing sakdurungé ora ana pengaruhé kanggo njenengan.

•   Njenengan dadi nduwé akèh masalah ing keluarga lan ing gawéan. Contoné, merga tuku alkohol, pengeluarané njenengan dadi luwih gedhé ketimbang gajiné njenengan.

•   Sakwisé ngombé alkohol, njenengan nggawé keputusan sing berbahaya, contoné nyetir, renang, utawa ngoprasiké mesin.

•   Wong liya ngomong nèk njenengan wis kakèhan ngombé. Wektu krungu kaya ngono, njenengan dadi nesu lan nggolèk-golèk alesan. Njenengan dadi ndhelik-ndhelik wektu ngombé lan ngapusi soal sepira akèhé alkohol sing njenengan ombé.

•   Njenengan ora isa mandheg ngombé. Njenengan wis tau ngupaya kanggo ngurangi utawa mandheg ngombé, ning ora berhasil.

 1. Gawéa rencana.

 Alkitab kandha: ”Rancangané wong sregep iku nekakaké kalubèran.”​—Wulang Bebasan 21:5.

 Upayakna iki: Njenengan kudu mbatesi sepira akèhé alkohol sing diombé. Njenengan kudu nentokké dina apa waé ing seminggu kuwi njenengan ngombé alkohol.

 Organisasi sosial ing Inggris sing perduli karo masalah alkohol kandha, ”Cara sing paling apik bèn njenengan ora kecanduan alkohol yaiku nduwé jadwal ora ngombé alkohol.”

 2. Tindakna rencana sing wis digawé.

 Alkitab kandha: ”Rampungna apa sing wis kok wiwiti.”​—2 Korintus 8:11.

 Upayakna iki: Golèka takaran standar (standard drink) ing alkohol sing arep njenengan ombé. Tujuané bèn njenengan isa mbatesi jumlah alkohol sing arep diombé. Golèka minuman liyané sing njenengan senengi sing ora ana alkoholé. Njenengan ya kudu mastèkké nduwé persediaan minuman kaya ngono.

 Institut Penyalahgunaan dan Kecanduan Alkohol Nasional Amerika Serikat kandha, ”Masalah-masalah sing ana kaitané karo alkohol mungkin bakal berkurang nèk njenengan nggawé perubahan-perubahan senajan kuwi cilik.”

 3. Tindakna terus keputusan sing wis digawé.

 Alkitab kandha: ”Nèk kowé kandha ’Ya’, kuduné pancèn ya. Nèk kandha ’Ora’, kuduné pancèn ora.”​—Yakobus 5:12.

 Upayakna iki: Njenengan isa nolak nganggo cara sing sopan wektu ana sing nawani njenengan ngombé alkohol, sing ora sesuai karo keputusan sing wis digawé.

 Institut Penyalahgunaan dan Kecanduan Alkohol Nasional Amerika Serikat kandha, ”Luwih cepet njenengan nolak, njenengan mungkin ora gampang nyerah.”

 4. Fokus karo manfaaté.

 Alkitab kandha: ”Wekas-wekasaning prakara iku luwih becik katimbang karo wiwitané.”​—Kohèlèt 7:8.

 Upayakna iki: Njenengan isa nulis apa waé manfaaté nèk njenengan ora kakèhan ngombé alkohol. Misalé, kuwi nggawé njenengan dadi turu luwih angler, luwih séhat, ora boros, lan hubungané njenengan karo wong liya isa tetep apik. Wektu lagi crita soal keputusané njenengan karo wong liya, njenengan isa fokus karo manfaat saka keputusan kuwi.

 5. Njaluk bantuané Gusti Allah.

 Alkitab kandha: ”Aku nduwé kekuwatan kanggo ngadhepi apa waé merga Gusti Allah sing maringi aku kuwasa.”​—Filipi 4:13.

 Upayakna iki: Nèk njenengan ngrasa wis kakèhan ngombé alkohol, njenengan isa ndonga njaluk bantuané Gusti Allah. Njenengan isa njaluk kekuwatan bèn isa ngendhalèni dhiri. b Njenengan ya isa sinau pathokan-pathokan sing ana ing Alkitab. Njenengan mesthi éntuk akèh manfaat nèk nindakké kuwi kabèh.