Saya Akèh sing Ngrasa Kesepian
Durung suwé iki, ana survéi saka beberapa negara a nèk siji saka papat wong ngrasa kesepian.
”Ngrasa péngin dhèwèkan lan ora gelem bergaul karo wong liya kuwi isa dialami sapa waé, ora soal umuré pira utawa manggoné ing endi.”—Chido Mpemba, salah siji ketua Komisi Hubungan Sosial, Organisasi Keséhatan Dunia.
Mungkin wong-wong mikir nèk sing ngrasa kesepian kuwi mung wong-wong tuwa utawa sing uripé dhèwèkan. Tapi kenyataané, wong-wong sing isih enom, sing séhat, sugih, lan sing wis nikah ya isa ngrasa kesepian. Wong sing kesepian lan ora gelem bergaul karo wong liya, émosi lan keséhatané bakal terganggu.
”Ngrasa kesepian kuwi ana bahayané. Bahayané mèh padha kaya ngrokok 15 batang sedina.”—Dr. Vivek Murthy, Kepala Badan Kesehatan Masyarakat AS.
Saran ing Alkitab
Gusti Allah ora péngin awaké dhéwé dhèwèkan. Gusti Allah nyiptakké manungsa bèn isa bergaul lan nduwé kanca.
Ayat: ”Gusti Allah . . . kandha, ’Ora apik nèk wong lanang kuwi dhèwèkan terus.’”—Purwaning Dumadi 2:18.
Gusti Allah péngin awaké dhéwé cedhak karo Dhèwèké. Gusti Allah janji nèk awaké dhéwé berupaya akrab karo Dhèwèké, Gusti Allah ya bakal cedhak karo awaké dhéwé.—Yakobus 4:8.
Ayat: ”Wong-wong sing sadhar nèk mbutuhké tuntunané Gusti Allah kuwi wong sing bahagia, merga Kerajaan swarga bakal dadi duwèké.”—Matius 5:3.
Gusti Allah péngin awaké dhéwé ngibadah bareng-bareng. Kuwi isa nggawé awaké dhéwé luwih bahagia.
Ayat: ”Ayo nggatèkké sedulur liya bèn awaké dhéwé isa saya nresnani liyané lan nindakké apa sing apik. Aja nganti awaké dhéwé nganggep nèk ngumpul kanggo ngibadah kuwi ora penting. . . . Ning, awaké dhéwé kudu padha-padha nguwatké.”—Ibrani 10:24, 25.
Bèn ngerti kenapa kok awaké dhéwé kudu nglawan perasaan kesepian, wacanen artikel ”Kesepian meski Ada Banyak Sarana Komunikasi”.
a The Global State of Social Connections, saka Meta-Gallup, 2023.