Strès kuwi rèspon badané njenengan wektu ngalami keadaan sing angèl. Otak ngasilké hormon sing isa ningkatké detak jantung, ningkatké tekanan darah, nggawé otot dadi tegang, lan nggawé ambegan dadi saya cepet. Kuwi kabèh nggawé njenengan dadi luwih tanggap kanggo ngadhepi keadaan sing angèl. Nèk wis ora strès, badané njenengan bakal normal manèh.

Strès kuwi rèspon badané njenengan sing isa mbantu njenengan ngadhepi keadaan sing angèl utawa bahaya. Kuwi dimulai saka otaké njenengan. Strès kuwi ana manfaaté. Kuwi isa nggawé njenengan dadi luwih tanggap. Strès ya isa mbantu njenengan nindakké sing luwih apik, misalé wektu ulangan, wektu wawancara kerja, utawa wektu mèlu pertandingan olahraga.

Ning, terus-terusan ngalami strès kuwi bahaya. Kuwi nggawé njenengan gampang panik, ora isa fokus, perasaané dadi ora stabil, lan lara. Sikap lan tumindaké njenengan ya isa berubah. Njenengan mungkin ya dadi seneng ngombé alkohol, nggunakké narkoba, ngrokok, lan nindakké kebiasaan èlèk liyané. Strès ya isa nggawé njenengan dadi déprèsi, kekeselen, utawa malah péngin bunuh diri.

Wektu strès, akibat sing dirasakké saben wong kuwi béda-béda. Ning, kuwi pengaruhé gedhé kanggo keséhatan.