SARAN KANGGO SING BAR DITINGGAL MATI

Harapan saka Gusti Allah

PUTER

ANA AKÈH SARAN SAKA PARA AHLI DIENGGO WONG-WONG SING DITINGGAL MATI. Nah ternyata, saran-sarané para ahli kuwi ya ana ing Alkitab. Kuwi bukti nèk Alkitab mémang isih bermanfaat nganti saiki. Tapi ora mung kuwi thok. Ing Alkitab ya ana keterangan sing luwih lengkap lan janji saka Gusti Allah.

Wong mati ora disiksa

Menurut Pengkhotbah 9:5, ”Wong mati ora ngerti apa-apa.” Terus, wong mati ya ”wis ora mikir apa-apa manèh”. (Mazmur 146:4) Makané, ing Alkitab wong mati digambarké kaya wong sing lagi turu angler.—Yohanes 11:11.
Gusti Allah mesthi menghibur awaké dhéwé

Menurut Mazmur 34:15, ”Yéhuwah a nggatèkké wong sing bener, lan Dhèwèké ngrungokké wektu wong kuwi njaluk tulung.” Awaké dhéwé ndonga, crita karo Gusti Allah kuwi ora mung bèn lega utawa bèn plong. Tapi bèn awaké dhéwé isa luwih akrab karo Gusti Allah, merga Dhèwèké isa menghibur lan nguwatké awaké dhéwé.
Harapan ing masa depan

Sukmbèn, wong-wong sing wis mati bakal diuripké manèh ing bumi. Menurut Alkitab, ”Gusti Allah bakal ngusapi air matané [awaké dhéwé]. Ora bakal ana manèh kesusahan, tangisan, lan rasa lara. Malah, kematian ya ora bakal ana manèh.”—Wahyu 21:3, 4.

Nèk percaya karo Gusti Allah lan janjiné nèk sukmbèn isa ketemu manèh karo wong-wong sing wis mati, awaké dhéwé isa tetep tabah. Misalé Ana. Dhèwèké wis nikah selama 65 taun, tapi terus bojoné mati. Ana crita, ”Saka Alkitab aku ngerti nèk wong mati ora disiksa, lan sukmbèn bakal diuripké manèh karo Gusti Allah. Nèk aku sedhih, kuwi sing tak éling-éling. Hasilé, aku isa tetep tabah.”

Tina, sing disebutké sakdurungé, crita, ”Kèt bojoku ora ana, Gusti Allah terus nguwatké aku. Pas aku sedhih banget, Yéhuwah ya menghibur aku. Aku isa tetep semangat merga ngerti nèk Gusti Allah janji sukmbèn aku isa ketemu manèh karo bojoku.”

Selain wong-wong kuwi, sakjané isih ana akèh conto liyané. Nah, nèk njenengan ngrasa janji ing Alkitab kuwi kétoké ora mungkin kelakon, coba golèkana bukti-buktiné. Mengko njenengan isa ngrasakké nèk isiné Alkitab mémang bener lan bermanfaat kanggo njenengan.