Wong nduwé pendapat sing béda-béda soal asal mulané langit karo bumi sak isiné. Kaya sing disebutké ing awal mau, pendapaté ahli fisika karo sing ditulis ing Alkitab kuwi béda. Ana sing setuju karo pendapaté ahli fisika mau, tapi ya ana sing percaya karo Alkitab. Terus, ya ana sing ora ngerti endi sing bener. Iki masalah sing kerep dibahas karo wong-wong, bahkan nganti ditulis ing buku-buku sing terkenal.

Mungkin ing sekolahan, guru-guru ya ngajari nèk langit karo bumi iki ujug-ujug ana dhéwé. Tapi apa guru-guru kuwi pernah njelaské bukti-buktiné? Nèk menurut para pemimpin agama, langit karo bumi iki diciptakké Gusti Allah. Tapi apa para pemimpin agama ya njelaské bukti-buktiné? Utawa mung ngomong sing penting beriman waé?

Mungkin njenengan mikir, ’Sakjané sing bener piyé? Terus, nèk ngerti soal kuwi manfaaté kanggo aku apa?’

Ing majalah Gatèkna! iki ana fakta-fakta soal alam semesta lan makhluk hidup. Akèh wong dadi percaya nèk ana Pencipta merga mikirké fakta-fakta kuwi. Terus, ya bakal dibahas apa manfaaté nèk ngerti soal kuwi.