Apa njenengan isih kèlingan karo topik-topik ing majalah Warta Penting taun iki? Ayo njawab pitakonan-pitakonan iki:

Apa manfaaté nèk nyedhiakké wektu kanggo Yéhuwah?

Awaké dhéwé isa nggawé keputusan sing luwih apik, luwih trampil mulang, imané awaké dhéwé dadi luwih kuwat, lan tambah sayang karo Yéhuwah.​—w22.01, hlm. 30-31.

Apa manfaaté nèk percaya karo Yéhuwah lan wong-wong sing dipilih kanggo mimpin umaté Yéhuwah?

Saiki, awaké dhéwé kudu manut karo arahan saka para pinituwa. Kuwi bukti nèk awaké dhéwé percaya karo Yéhuwah. Nèk saiki manut, sukmbèn pas sengsara gedhé, awaké dhéwé mesthi bakal luwih gampang manut karo pinituwa, meskipun arahané kétoké ora masuk akal.​—w22.02, hlm. 4-6.

Apa maksudé wektu ana malaékat sing kandha karo Zakharia nèk ”Zérubabèl nyekel unting-unting”? (Za. 4:8-10)

Malaékat kuwi péngin nduduhké nèk meskipun bait sing dibangun kuwi sederhana, tapi kuwi wis sesuai karo kepénginané Yéhuwah.​—w22.03, hlm. 16-17.

Piyé carané omongané njenengan isa ”dadi conto” kanggo wong liya? (1 Tim. 4:12)

Wektu nginjil, kudu tetep alus lan apikan pas ana sing nesu, semangat wektu nyanyi muji Yéhuwah, mènèhi koméntar pas pertemuan ibadah, kudu nguwatké liyané, jujur, lan ora seneng ngrèmèhké.​—w22.04, hlm. 6-9.

Kenapa ciri-ciri papat kéwan buas sing disebutké ing Danièl bab 7 digabungké dadi siji kéwan buas, kaya sing disebutké ing Wahyu 13:1, 2?

Kéwan buas sing disebutké ing Wahyu 13 ora mung nggambarké siji pamréntahan thok, misalé Roma. Tapi kuwi nggambarké kabèh pamréntahan sing nguwasani manungsa kèt mbiyèn nganti saiki.​—w22.05, hlm. 9.

Apa buktiné nèk awaké dhéwé percaya Yéhuwah kuwi Gusti Allah sing adil?

Nèk lara ati karo wong liya, tersinggung, utawa dadi susah merga perbuatané wong liya, awaké dhéwé aja terus-terusan jèngkèl lan kudu percaya nèk Yéhuwah kuwi Gusti Allah sing adil. Sukmbèn, kabèh sing marahi awaké dhéwé susah bakal disingkirké Yéhuwah.​—w22.06, hlm. 10-11.

Sedulur lanang sing dikon ndonga ing pertemuan ibadah ndongané kudu piyé?

Isi dongané aja nganti kaya mènèhi naséhat utawa nyampèkké pengumuman. Terus luwih apik ndongané aja terlalu ”dawa”, apa manèh nèk kuwi donga sakdurungé pertemuan ibadah. (Mat. 6:7)—w22.07, hlm. 24-25.

Apa maksudé ”wong-wong sing tumindaké èlèk” diuripké manèh kanggo ”diadili”? (Yoh. 5:29)

Wong-wong kuwi ora bakal diadili berdasarkan perbuatané sing mbiyèn. Tapi, wong-wong kuwi bakal diadili sesuai karo perbuatané sakwisé diuripké manèh.​—w22.09, hlm. 18.

Pas pertemuan istiméwa sasi September 1922, Sedulur J. F. Rutherford nyemangati Siswa-Siswa Alkitab bèn apa?

Pas pertemuan istiméwa ing Cedar Point, Ohio, AS, Sedulur J. F. Rutherford ngomong, ”Sang Raja wis mréntah. Njenengan kudu nyritakké kuwi marang wong liya. Dadi, umumna, umumna, umumna, Sang Raja lan Kerajaané.”​—w22.10, hlm. 3-5.

Saka Yésaya 30, piyé carané Yéhuwah mbantu awaké dhéwé bèn sabar?

Nèk nggatèkké Yésaya 30, awaké dhéwé bakal ngerti nèk Yéhuwah (1) gelem ngrungokké lan njawab dongané awaké dhéwé, (2) mènèhi arahan, lan (3) mberkahi umaté saiki lan ing masa depan.​—w22.11, hlm. 9.

Apa buktiné nèk Mazmur 37:10, 11, 29 wis kelakon mbiyèn lan bakal kelakon sukmbèn?

Kata-katané Daud ing Mazmur 37:10, 11, lan 29 wis kelakon mbiyèn pas pamréntahané Raja Salomo. Yésus ya tau ngutip kata-kata ing ayat 11 wektu ngomongké soal Firdaus. (Mat. 5:5; Luk. 23:43)—w22.12, hlm. 8-10, 14.