1. Menurut Ibrani 12:1, piyé carané bèn isa terus mlayu nganti akhir?

 ING Alkitab, awaké dhéwé dipadhakké kaya wong sing lagi mlayu. Nèk mlayu nganti akhir, awaké dhéwé bakal urip saklawasé. (2 Tim. 4:7, 8) Awaké dhéwé berupaya terus mlayu, apa manèh merga akhir kuwi wis cedhak banget. Rasul Paulus, sing wis berhasil mlayu nganti akhir, ngandhani carané bèn isa menang. Dhèwèké ngandhani kanggo ”mbuwang kabèh beban lan . . . terus mlayu nganti akhir ing balapan sing wis ditentokké Gusti Allah kanggo awaké dhéwé”.​—Wacanen Ibrani 12:1.

2. Apa maksudé ”mbuwang kabèh beban”?

² Wektu Paulus ngandhani kanggo ”mbuwang kabèh beban”, apa artiné ora mikul beban sama sekali? Maksudé Paulus ora ngono. Paulus péngin awaké dhéwé mbuwang kabèh beban sing ora perlu, sing mung isa ngabot-aboti lan nggawé kesel. Awaké dhéwé kudu cepet menyadari lan mbuwang kuwi bèn isa tetep setya. Tapi awaké dhéwé ya ora péngin mbuwang tanggung jawab  sing kudu dipikul. Nèk dibuwang, awaké dhéwé ora isa terus mèlu balapan. (2 Tim. 2:5) Apa waé sing kudu dipikul?

3. (a) Menurut Galatia 6:5, apa sing kudu dipikul? (b) Apa sing mèh dibahas ing artikel iki, lan apa manfaaté?

³ Wacanen Galatia 6:5. Paulus ngandhani apa sing kudu dipikul, yaiku ”tanggung jawabé dhéwé-dhéwé”. Kuwi tanggung jawab karo Gusti Allah sing ora isa dititipké wong liya. Ing artikel iki bakal dibahas apa waé sing termasuk ”tanggung jawabé dhéwé-dhéwé” lan piyé carané mikul. Terus bakal dibahas beban apa waé sing ora perlu lan piyé carané mbuwang. Nèk mikul tanggung jawabé dhéwé-dhéwé lan mbuwang beban sing ora perlu, awaké dhéwé isa mlayu nganti akhir.

4. Kenapa nglayani Yéhuwah kuwi dudu beban? (Deloken gambar kanggo paragraf 4.)

⁴ Janji nglayani Yéhuwah saklawasé. Pas nggawé janji kuwi, awaké dhéwé  janji kanggo nglayani Yéhuwah lan manut préntahé. Kuwi kudu ditepati. Meskipun kuwi tanggung jawab sing gedhé, tapi kuwi dudu beban. Yéhuwah nyiptakké awaké dhéwé kanggo manut préntahé, ta? (Why. 4:11) Awaké dhéwé diciptakké péngin kenal Gusti Allah lan manut préntahé. Awaké dhéwé ya diciptakké mirip karo Gusti Allah. Makané awaké dhéwé isa cedhak karo Yéhuwah lan bahagia nèk manut préntahé. (Mzm. 40:8) Malah nèk manut karo Yéhuwah lan niru Yésus, awaké dhéwé bakal ”seger”.​—Mat. 11:28-30.

5. Piyé bèn isa nepati janji kanggo nglayani Yéhuwah? (1 Yohanes 5:3)

⁵ Piyé carané mikul? Pertama, tambah nresnani Yéhuwah. Carané, mikirké kabèh berkah sing wis ditampa lan sing bakal ditampa. Saya nresnani Yéhuwah, saya gampang manut. (Wacanen 1 Yohanes 5:3.) Keloro, niru Yésus. Dhèwèké isa setya nglayani Yéhuwah merga ndonga njaluk bantuané Yéhuwah lan mikirké berkahé. (Ibr. 5:7; 12:2) Kaya Yésus, ndongaa njaluk bantuané Yéhuwah lan terusa mikirké harapan urip saklawasé. Nèk saya nresnani Yéhuwah lan niru Yésus, njenengan mesthi isa nepati janji kanggo nglayani Yéhuwah saklawasé.

6. Kenapa kudu memenuhi tanggung jawab ing keluarga? (Deloken gambar kanggo paragraf 6.)

⁶ Tanggung jawab ing keluarga. Awaké dhéwé kudu luwih nresnani Yéhuwah lan Yésus daripada keluarga. (Mat. 10:37) Tapi kuwi ora berarti isa nglalèkké tanggung jawab ing keluarga. Justru awaké dhéwé isa nyenengké Yéhuwah lan Yésus nèk memenuhi tanggung jawab ing keluarga. (1 Tim. 5:4, 8) Yéhuwah ngerti keluarga isa bahagia nèk suami istri saling sayang lan ngajèni, wong tuwa sayang lan ndhidhik anaké, lan anak-anak manut wong tuwané.—Éf. 5:33; 6:1, 4.

7. Piyé carané isa memenuhi tanggung jawab ing keluarga?

⁷ Piyé carané mikul? Aja mung manut perasaan, budaya, utawa jaréné para ahli. Ora soal njenengan suami, istri, utawa anak-anak, manuta karo pathokané Alkitab. (WB. 24:3, 4) Ana akèh saran saka Alkitab ing bacaan lan vidéoné awaké dhéwé. Misalé ing jw.org, ana akèh artikel sing digawé khusus kanggo suami istri, wong tuwa, lan cah enom. b Manuta karo Alkitab meskipun ana anggota keluarga sing ora. Sak keluarga bakal ngrasakké manfaaté, lan Yéhuwah mesthi bakal mberkahi.​—1 Ptr. 3:1, 2.   

8. Apa pengaruhé keputusané awaké dhéwé?

⁸ Nanggung akibat saka keputusan. Yéhuwah mènèhi awaké dhéwé kebébasan kanggo milih, lan awaké dhéwé bahagia merga nggawé keputusan sing apik. Tapi nèk nggawé keputusan sing salah, Yéhuwah ora bakal nglindhungi awaké dhéwé saka akibaté. (Gal. 6:7, 8) Kuwi sebabé, awaké dhéwé sing nanggung akibaté nèk nggawé keputusan sing salah, grusa-grusu, utawa ngomong tanpa dipikir. Awaké dhéwé  mungkin ya ngrasa bersalah. Tapi merga tanggung jawab, awaké dhéwé gelem ngakoni dosa, mertobat, lan ora mbalèni manèh. Nèk ngono, awaké dhéwé isa mlayu nganti akhir.

9. Piyé nèk kudu nanggung akibat saka keputusan sing salah? (Deloken gambar kanggo paragraf 9.)

⁹ Piyé carané mikul? Nèk kadhung nggawé keputusan sing salah, piyé? Sing wis berlalu ora isa diubah. Nggolèk-nggolèk alesan kanggo mbuktèkké nèk njenengan ora salah, nyalahké diri sendiri utawa wong liya, mung ngentèkké wektu, tenaga, lan isa marahi strès. Luwih apik njenengan nampa kenyataan nèk mémang wis nggawé salah lan berupaya nglayani Yéhuwah sesuai keadaan sing saiki. Nèk ngrasa bersalah, ndongaa karo Yéhuwah, ngakoni kesalahan, lan njaluk ngapura. (Mzm. 25:11; 51:3, 4) Njenengan ya isa njaluk ngapura karo wong liya sing wis dilarani. Nèk perlu, isa njaluk bantuané para pinituwa. (Yak. 5:14, 15) Sing penting, ora mbalèni kesalahan sing padha. Njenengan isa yakin Yéhuwah mesthi bakal ngapura lan mbantu njenengan.​—Mzm. 103:8-13.

10. Kenapa nèk ngrasa kudu mènèhi luwih akèh isa dadi beban? (Galatia 6:4)

¹⁰ Ngrasa nèk kudu mènèhi luwih akèh. Kuwi isa dadi beban nèk mbandhingké karo wong liya. (Wacanen Galatia 6:4.) Nèk terus-terusan mbandhingké, isa dadi iri lan saingan. (Gal. 5:26) Merga meksaké péngin padha karo liyané, awaké dhéwé isa waé berupaya mati-matian nganti ngluwihi kesanggupan. Nèk ”harapan sing ora ndang kelakon [waé isa] nggawé lara ati”, apa manèh sing ora isa kelakon. (WB. 13:12) Kuwi isa nggawé ora semangat lan ora nduwé tenaga kanggo terus mlayu.​—WB. 24:10.

11. Piyé bèn njenengan ora ngrasa kudu mènèhi ngluwihi kesanggupan?

¹¹ Piyé carané mbuwang? Yéhuwah ora tau nuntut njenengan mènèhi sing ngluwihi kesanggupan. (2 Kor. 8:12) Yéhuwah ora mbandhingké njenengan karo wong liya. (Mat. 25:20-23) Yéhuwah sayang njenengan merga njenengan nglayani saktulusé ati, njenengan tetep setya, lan njenengan tetep sabar meskipun ana masalah. Mungkin ana beberapa sing ora isa dilakoni merga umur, keséhatan, utawa keadaané njenengan saiki. Tirunen Barzilai sing réla nolak tugas merga keadaan fisiké ora memungkinkan. (2 Sam. 19:35, 36) Tirunen Musa sing gelem dibantu lan masrahké tugasé karo wong liya. (Pa. 18:21, 22) Nèk rendah hati kaya ngono, njenengan ora bakal kentèkan tenaga kanggo tetep mlayu.

12. Apa awaké dhéwé bertanggung jawab wektu wong liya nggawé keputusan sing salah? Jelasna.

¹² Ngrasa bertanggung jawab wektu wong liya nggawé keputusan sing salah. Awaké dhéwé ora isa nggawé keputusan kanggo wong liya utawa selalu nglindhungi wong kuwi saka akibat perbuatané. Wong tuwa mesthi sedhih banget wektu anaké ninggalké Yéhuwah. Tapi wong tuwa sing nyalahké diri sendiri merga keputusané anaké,  nanggung beban sing abot. Yéhuwah ora péngin wong tuwa nanggung beban kuwi.​—Rm. 14:12.

13. Nèk anak-anak nggawé keputusan sing salah, wong tuwa piyé?

¹³ Piyé carané mbuwang? Yéhuwah mènèhi saben wong kebébasan kanggo milih. Dadi saben wong isa nggawé keputusan dhéwé-dhéwé, termasuk arep nglayani Yéhuwah apa ora. Yéhuwah ora nuntut njenengan dadi wong tuwa sing sampurna. Yéhuwah mung péngin njenengan berupaya sak isa-isané kanggo ndhidhik anak-anak. Keputusan sing digawé anak-anak dudu tanggung jawabé njenengan. (WB. 20:11) Tapi mungkin njenengan isih kepikiran merga tau nggawé salah pas ndhidhik anak-anak. Nèk ngono, ndongaa lan njaluka ngapura karo Yéhuwah. Yéhuwah ngerti nèk njenengan ora isa ngubah apa sing wis kelakon. Dhèwèké ya ora nuntut njenengan kanggo nglindhungi anak-anak saka akibat keputusané. Nèk anak-anaké njenengan berupaya tenanan kanggo nglayani Yéhuwah manèh, Yéhuwah mesthi bakal nampa.​—Luk. 15:18-20.   

14. Kenapa terus-terusan ngrasa bersalah kuwi beban sing kudu dibuwang?

¹⁴ Terus-terusan ngrasa bersalah. Pas nggawé dosa, wajar nèk ngrasa bersalah. Tapi nèk terus-terusan ngrasa bersalah, kuwi isa dadi beban lan kudu dibuwang. Sakjané nèk wis ngakoni kesalahan, mertobat, lan berupaya ora mbalèni manèh, njenengan isa yakin nèk wis diapura Yéhuwah. (Kis. 3:19) Yéhuwah ora péngin njenengan terus-terusan ngrasa bersalah. Yéhuwah ngerti nèk njenengan terus-terusan ngrasa kaya ngono, hasilé mesthi ora apik. (Mzm. 31:10) Malah, isa  waé njenengan dadi ora semangat mlayu manèh.​—2 Kor. 2:7.

15. Nèk terus-terusan ngrasa bersalah, njenengan isa piyé? (1 Yohanes 3:19, 20) (Deloken gambar kanggo paragraf 15.)

¹⁵ Piyé carané mbuwang? Yakina nèk Yéhuwah ”bener-bener ngapura” dosané njenengan. (Mzm. 130:4) Nèk Yéhuwah wis ngapura wong, ’dosané ora bakal diéling-éling manèh’. (Yér. 31:34) Kuwi berarti Yéhuwah bakal nglalèkké dosané njenengan. Nèk saiki njenengan ngrasakké akibat saka kesalahan mbiyèn, ora berarti Yéhuwah durung ngapura. Aja cilik ati nèk ora éntuk tugas-tugas manèh ing jemaat. Nèk Yéhuwah waé nglalèkké dosané njenengan, mosok njenengan arep ngéling-éling terus?​—Wacanen 1 Yohanes 3:19, 20.

16. Bèn isa terus mlayu kudu piyé?

¹⁶ Awaké dhéwé kudu ’mlayu sak kuwat tenaga supaya isa nampa hadiah’. (1 Kor. 9:24) Bèn isa terus mlayu, élinga tanggung jawab apa waé sing kudu dipikul lan beban apa waé sing kudu dibuwang. Ing artikel iki, awaké dhéwé wis mbahas beberapa. Tapi isih ana manèh. Yésus ngomong nèk ”kakèhan mangan, kakèhan ngombé, lan kuwatir soal urip saben dina”, kuwi ya isa dadi beban. (Luk. 21:34) Nèk nggatèkké ayat-ayat ing paragraf iki lan ayat liyané, njenengan isa ngerti apa sing mungkin perlu diupayakké bèn isa terus mlayu.

17. Kenapa awaké dhéwé yakin nèk isa mlayu nganti akhir?

¹⁷ Awaké dhéwé mesthi isa terus mlayu nganti akhir merga Yéhuwah mènèhi kekuwatan. (Yés. 40:29-31) Aja nyerah. Tirunen Paulus sing ngupaya tenanan bèn éntuk hadiah. (Flp. 3:13, 14) Nèk dibantu Yéhuwah, njenengan mesthi isa. Yéhuwah bakal mbantu njenengan mikul tanggung jawab lan mbuwang beban sing ora perlu. (Mzm. 68:19) Merga dibantu Yéhuwah, njenengan mesthi isa mlayu nganti akhir lan menang.