Apa njenengan isih kèlingan karo topik-topik ing majalah Warta Penting taun iki? Ayo njawab pertanyaan-pertanyaan iki:

Sing termasuk ’ngubah pikiran’ kuwi apa? (Rm. 12:2)

Kuwi termasuk ora mung perbuatané thok sing apik, tapi ya kudu mikirké tenanan awaké dhéwé kuwi sakjané wongé piyé. Terus ya kudu gelem nggawé perubahan-perubahan bèn uripé awaké dhéwé isa cocog karo karepé Yéhuwah.—w23.01, hlm. 9.

Apa maksudé tetep seimbang wektu ndelok keadaan saiki?

Awaké dhéwé mesthi seneng nggatèkké keadaan saiki merga kuwi cocog karo ramalan ing Alkitab. Tapi aja nggawé kesimpulan dhéwé, soalé kuwi isa nggawé jemaat ora bersatu. Daripada nyimpulké dhéwé, mendhing nggatèkké waé keterangan saka organisasiné Yéhuwah. (1 Kor. 1:10)—w23.02, hlm. 16.

Apa bédané baptisané Yésus karo murid-muridé?

Bangsa Israèl kuwi wis dadi duwèké Yéhuwah. Merga Yésus wong Israèl, dhèwèké ora perlu nggawé janji manèh bèn isa dadi umaté Yéhuwah. Yésus ora perlu mertobat soalé dhèwèké sampurna lan ora tau nggawé dosa.—w23.03, hlm. 5.

Bèn ing pertemuan ibadah ana luwih akèh sing njawab kudu piyé?

Koméntaré singkat waé bèn luwih akèh sing isa ngacung. Terus jawabané aja diborong kabèh bèn sing liyané isa mèlu koméntar.—w23.04, hlm. 23.

”Dalan Suci” ing Yésaya 35:8 kuwi maksudé apa?

Kuwi dalan kiasan. Mbiyèn, kuwi nggambarké dalan gedhé sing diliwati wong Yahudi sing metu saka Babilon bali ing Yérusalèm. Nèk saiki, sing liwat ing ”Dalan Suci” kuwi umaté Yéhuwah. Atusan taun sakdurungé 1919, Yéhuwah nggunakké wong-wong kanggo nyiapké dalan kuwi. Meréka nerjemahké lan nyétak Alkitab lan alat bantu sinau Alkitab. Umaté Yéhuwah terus nglayani Yéhuwah saiki nganti sukmbèn Kerajaané Gusti Allah nggawé bumi iki dadi Firdaus.—w23.05, hlm. 15-19.

Wong wédok loro sing disebutké ing Wulang Bebasan bab 9 kuwi sapa?

Ing Wulang Bebasan, ana ”wong wédok sing bodho” sing ngundang wong-wong kanggo mlebu ing ”Kuburan”. Terus, ana wong wédok sing nggambarké ”kawicaksanan” sing ngundang wong-wong bèn ”tumindak nganggo pemahaman”. (WB. 9:​1, 6, 13, 18)—w23.06, hlm. 22-24.

Apa buktiné nèk Yéhuwah rendah hati lan ora kaku pas urusan karo Lot?

Sakjané Yéhuwah ngongkon Lot mlayu ing dhaérah pegunungan pas metu saka Sodom. Tapi pas Lot njaluk bèn dhèwèké sak keluarga mlayu ing Zoar waé, Yéhuwah gelem nuruti Lot.—w23.07, hlm. 21.

Nèk bojoné nonton pornografi, istri kudu piyé?

Dhèwèké ora perlu ngrasa bersalah. Dhèwèké kudu luwih mikirké hubungané karo Yéhuwah. Dhèwèké ya isa maca lan ngrenungké kisah-kisah ing Alkitab soal wong wédok sing terhibur merga ndonga karo Yéhuwah. Dhèwèké isa mbantu bojoné bèn menghindari situasi sing isa nggawé kegodha.—w23.08, hlm. 14-17.

Nèk ana sing takon-takon soal kepercayaané awaké dhéwé, apa manfaaté nèk nduwé pemahaman?

Nèk nduwé pemahaman, awaké dhéwé ora bakal langsung mikir nèk wong sing takon kuwi arep ngejak debat. Isa waé dhèwèké mémang bener-bener péngin ngerti. Hasilé, awaké dhéwé isa tetep alus wektu njelaské kepercayaané.—w23.09, hlm. 17.

Maria dikuwatké sapa, lan apa pelajarané?

Bar ngerti nèk bakal dadi ibuné Mésias, Maria dikuwatké Gabrièl lan Èlisabèt. Awaké dhéwé ya isa dikuwatké sedulur-sedulur seiman.—w23.10, hlm. 15.

Piyé Yéhuwah njawab dongané awaké dhéwé?

Yéhuwah janji nèk dongané awaké dhéwé kuwi mesthi dirungokké. Pas ngrungokké dongané umaté, Yéhuwah ya karo mikirké sing dadi tujuané Dhèwèké. (Yér. 29:12) Kanggo permintaan sing padha, isa waé jawabané Yéhuwah béda-béda, tapi Yéhuwah selalu ndhukung awaké dhéwé.—w23.11, hlm. 21-22.

Ing Roma 5:2 wis disebutké soal ”harapan”, dadi ngapa kok ing ayat 4 kuwi disebutké manèh?

Bar krungu kabar apik, wong mungkin dadi nduwé harapan urip ing bumi firdaus. Tapi merga ngadhepi kesusahan, terus sabar, lan ngendelké Yéhuwah wong kuwi isa dadi semakin ngarep-arep janjiné Gusti Allah lan semakin yakin harapan kuwi bakal dadi kenyataan.—w23.12, hlm. 12-13.