Apa njenengan isih kèlingan karo topik-topik ing majalah Warta Penting taun iki? Ayo njawab pertanyaan-pertanyaan iki:

Soal memperlakukan wong wédok, Yéhuwah ngekèki conto apa?

Yéhuwah ora nganggep wong wédok luwih rendah timbang wong lanang. Yéhuwah ngrungokké, memahami perasaan lan kekuwatirané wong wédok. Yéhuwah ya percaya karo wong wédok, makané Dhèwèké ngekèki meréka tugas.—w24.01, hlm. 15-16.

Nèk ngetrapké naséhat, ”Aja kekancan karo wong-wong kuwi”, awaké dhéwé bakal piyé? (Éf. 5:​7, cathetan ngisor)

Rasul Paulus ngélikké bèn awaké dhéwé ora bergaul karo wong-wong sing ora manut pathokané Yéhuwah. Ora mung ora bergaul secara langsung, tapi ya ora bergaul liwat média sosial.—w24.03, hlm. 22-23.

Informasi sing salah apa waé sing kudu diwaspadai?

Informasi sing durung mesthi bener meskipun kuwi asalé saka sedulur seiman sing niaté apik, e-mail saka wong sing ora dikenal, lan wong murtad sing éthok-éthok dadi peminat.—w24.04, hlm. 12.

Soal piyé Yéhuwah bakal ngadili Raja Salomo, wong-wong sing dihukum Yéhuwah ing Sodom lan Gomora, lan wong-wong sing mati pas Banjir Gedhé, apa sing awaké dhéwé ngerti lan ora ngerti?

Awaké dhéwé ora ngerti meréka bakal diuripké manèh apa ora. Tapi, awaké dhéwé ngerti nèk Yéhuwah ngerti kabèh faktané lan Dhèwèké kuwi gampang mesakké.—w24.05, hlm. 3-4.

Merga Yéhuwah kuwi ’Gunung Watu’, awaké dhéwé isa yakin soal apa? (PT. 32:4)

Awaké dhéwé isa yakin nèk Yéhuwah isa nglindhungi. Yéhuwah ya isa diendelké merga selalu nepati janjiné. Terus, Yéhuwah ya stabil merga sifat lan karepé ora bakal berubah.—w24.06, hlm. 26-28.

Pathokan apa ing Alkitab sing isa ditrapké bèn isa menyesuaikan diri karo jemaat sing anyar?

Ngendelké Yéhuwah, sing bakal mbantu njenengan kaya Dhèwèké wis mbantu umaté jaman mbiyèn. Aja mbandhing-mbandhingké jemaat sing anyar karo sing lawas. Mèlu aktif ing jemaat sing anyar lan berupaya nggolèk sahabat.—w24.07, hlm. 26-28.

Apa sing isa dipelajari saka telung perumpamaan ing Matius bab 25?

Perumpamaan soal domba lan kambing nandheské nèk kudu terus setya. Perumpamaan soal prawan sing wicaksana lan bodho nandheské nèk kudu siap lan waspada. Terus, perumpamaan soal talènta nandheské soal pentingé rajin.—w24.09, hlm. 20-24.

Dhuwuré serambi ing bait sing dibangun Salomo kuwi pira?

Ing 2 Babad 3:4 ana sing nerjemahké ukurané ”120 hasta”, utawa kira-kira 53 mèter. Tapi ing naskah lan terjemahan liyané ukurané ’20 hasta’, utawa kira-kira 9 mèter. Nèk ndelok kandelé témbok bait, dhuwuré serambi kuwi mesthi kira-kira 9 mèter.—w24.10, hlm. 31.

Apa maksudé abdiné jemaat ”kudu wong sing bojoné mung siji”? (1 Tim. 3:12)

Kuwi berarti dhèwèké mung nikah karo wong wédok siji lan ora nglakoni hubungan sèks sing ora pantes. Dhèwèké ya ora éntuk nggodha wong wédok sing dudu bojoné.—w24.11, hlm. 19.

Ngapa kok ing Yohanes 6:53 kuwi Yésus ora lagi ngomongké apa sing kudu dilakukan pas ngrayakké Perjamuan Dalu Gusti?

Ing Yohanes 6:53 disebutké nèk wong kudu mangan daging lan ngombé getihé Yésus. Yésus ngomongké kata-kata kuwi ing Galiléa taun 32 M, kanggo wong-wong Yahudi sing kudu beriman karo dhèwèké. Tapi nèk Perjamuan Dalu Gusti kuwi mulai dirayakké setaun bar kuwi ing Yérusalèm. Wektu kuwi, Yésus ngomong karo wong-wong sing bakal mréntah bareng dhèwèké ing swarga.—w24.12, hlm. 10-11.