JAMAN saiki ’keadaané angèl diadhepi lan berbahaya’. (2 Tim. 3:1) Apamanèh nèk lagi ngadhepi masalah tapi ora ana kanca sing isa disambati. Kuwi isa marakké cilik ati lan kesepian. Apa njenengan ya tau ngrasa kaya ngono? Kuwi sebabé ing Alkitab disebutké nèk awaké dhéwé kudu nduwé kanca sejati, bèn ”wektu ana kesusahan” ora ngrasa nèk kudu ngadhepi kuwi dhèwèkan.—WB. 17:17.

Selama perjalanan utusan injilé, Rasul Paulus nduwé kanca-kanca sing siap mbantu dhèwèké, terutama pas dhèwèké dipenjara ing Roma. (Kol. 4:​7-11) Misalé Épafroditus. Dhèwèké nggawakké kiriman saka para sedulur ing Filipi kanggo Paulus ing penjara. (Flp. 4:18) Terus, Tikhikus ngeterké surat-suraté Paulus kanggo jemaat-jemaat. Kanca-kancané Paulus kuwi melakukan hal-hal sing ora isa dilakukan Paulus dhéwé merga dipenjara. Merga bantuané meréka, Paulus isih isa terus nglayani meskipun keadaané terbatas. Nah, nèk njenengan ya péngin dadi kanca sejati, berarti kudu piyé?

Saiki ya ana akèh sedulur-sedulur sing terbukti dadi kanca sejati. Misalé, gatèkna pengalamané Sedulur Elisabet. Dhèwèké kuwi perintis biasa ing Spanyol. Ibuné didiagnosa lara kanker stadium akhir. Nah, ana siji sedulur wédok sing kerep nge-chat Elisabet, ngirimi dhèwèké ayat-ayat saka Alkitab. Elisabet crita, ”Saben bar maca chat kuwi, aku dadi ngrasa digatèkké lan aku ora ngrasa kesepian manèh.”—WB. 18:24.

Nah, njenengan ya isa terbukti dadi kanca sejati nèk seneng mbantu sedulur-sedulur liya bèn isa nginjil lan teka ing pertemuan ibadah. Misalé, nawani tumpangan kanggo sedulur lansia kanggo nginjil lan teka ing pertemuan ibadah. Manfaaté, mengko njenengan isa saling nguwatké. (Rm. 1:12) Lha piyé nèk ana sedulur sing merga keadaané dadi ora isa lunga ing endi-endi, tapi mung isa ing omah thok? Nèk ngono mbantuné piyé?

Ana sedulur-sedulur sing ora isa ngibadah langsung ing Balai Ibadah merga lara parah utawa merga situasi liyané. Misalé, gatèkna pengalamané David. Dhèwèké lara kanker lan kudu bola-bali kémoterapi. Makané selama luwih saka enem sasi, David karo Lidia bojoné ngibadahé liwat online.

Piyé para sedulur ing jemaaté terbukti dadi kanca sejati kanggo meréka? Saben bar pertemuan  ibadah, para sedulur ing Balai bakal menyapa lan ngobrol karo David lan Lidia liwat konferénsi vidéo. Terus, meréka ya bakal nge-chat lan ngucapké maturnuwun merga David lan Lidia wis mèlu njawab ing pertemuan ibadah. Hasilé, David karo Lidia ngrasa disayangi para sedulur.

Nèk gelem nggawé beberapa penyesuaian jadwal, njenengan isa mbantu para sedulur sing ora isa ing endi-endi bèn tetep semangat nginjil. Kuwi ya bukti nèk njenengan ora nglalèkké meréka. (WB. 3:27) Misalé, isa ngejak meréka nginjil liwat télpon utawa nulis surat. Para pinituwa ya isa ngatur bèn ana pertemuan sakdurungé nginjil liwat konferénsi vidéo. David karo Lidia wis ngrasakké dhéwé manfaat saka pengaturan kuwi. David crita, ”Pas pertemuan sakdurungé nginjil, mesthi ana pembahasan singkat lan donga. Nah, kuwi nguwatké kami.” Sakliyané cara-cara kuwi, nèk situasiné cocog, njenengan ya isa ngejak sing belajar Alkitab karo njenengan bèn belajar Alkitabé ing omahé sedulur sing ora isa ing endi-endi kuwi.

Nèk kerep bergaul karo para sedulur sing ora isa ing endi-endi, njenengan isa dadi tambah akrab karo meréka merga isa ndelok langsung sifat-sifat apik lan kelebihané. Misalé, merga ngerti nèk meréka trampil nggunakké Alkitab wektu nginjil, njenengan dadi kagum karo meréka. Manfaat liyané, njenengan ya dadi isa nduwé kanca-kanca sing luwih akèh.—2 Kor. 6:13.

Wektu lagi ngalami kesulitan, Paulus isa terhibur merga dikancani Titus. (2 Kor. 7:​5-7) Saka kisah kuwi, awaké dhéwé dadi ngerti nèk péngin nguwatké wong liya kuwi ora mung liwat kata-kata, tapi ya liwat perbuatan. Misalé sak isa-isané mbantu utawa ngancani.—1 Yoh. 3:18.

Para sedulur ing Rusia terbukti dadi kanca sejati kanggo sedulur seimané. Gatèkna pengalamané Sergey lan Tatyana bojoné. Wektu kuwi, omahé meréka diglédhah polisi, terus meréka digawa kanggo diinterogasi. Tapi bar kuwi, Tatyana éntuk mulih sik. Sergey crita, ”Pas [Tatyana] tekan omah, ana siji sedulur wédok sing langsung teka ing omah kami. Ora let suwé bar kuwi, ana luwih akèh sedulur-sedulur sing teka kanggo ngéwangi kami mbèrèsi omah.”

Sergey crita manèh, ”Kèt mbiyèn, aku seneng ayat ing Wulang Bebasan 17:17 sing isiné, ’Kanca sejati kuwi terus nresnani lan dadi sedulur sing isa diendelké wektu ana kesusahan.’ Aku ngrasakké dhéwé beneré kata-kata kuwi wektu ngalami penganiayaan. Aku ora isa ngadhepi kuwi dhèwèkan. Makané Yéhuwah ngekèki kanca-kanca sing kendel lan selalu nguwatké aku.” a

Saya suwé keadaané bakal saya angèl, lan bar iki ana sengsara gedhé. Makané, awaké dhéwé saya butuh kanca sejati. Dadi kèt saiki, ayo berupaya dadi kanca sejati kanggo para sedulur.—1 Ptr. 4:​7, 8.