Ana pengalaman sing menarik saka Sedulur Merry lan John bojoné a sing manggon ing negara sing ing kono ana akèh pekerja saka Filipina. Selama pandemi COVID-19, ana akèh banget sing belajar Alkitab karo Merry. Ora mung wong-wong saka negarané, tapi ya saka luar negeri. Piyé critané kok isa ana akèh banget sing belajar Alkitab karo Merry?

Biasané, Merry bakal takon karo wong-wong sing belajar Alkitab karo dhèwèké, ”Apa ana kanca utawa keluargamu sing ya seneng belajar Alkitab kaya ngéné?” Nèk meréka njawab iya, Merry bakal njaluk dikenalké karo wong kuwi. Pertanyaan sederhana kaya ngono kuwi èfèktif soalé wong nèk seneng belajar Alkitab, biasané bakal crita karo kanca utawa keluargané. Nah, apa hasilé merga Merry takon kaya ngono?

Ana sing belajar Alkitab karo Merry jenengé Jasmin. Jasmin ngenalké Merry karo wong papat sing gelem belajar Alkitab. Salah sijiné jenengé Kristin. Kristin semangat banget belajar Alkitab, nganti njaluk belajaré seminggu ping pindho. Merry ya takon karo Kristin apa ana kancané sing gelem belajar Alkitab. Beberapa minggu bar kuwi, Kristin ngenalké Merry karo papat kancané sing ya gelem belajar Alkitab. Bar kuwi, Kristin ya ngenalké Merry karo kanca-kancané liyané. Nah, kanca-kancané kuwi ya ngenalké karo kanca-kanca liyané manèh.

Kristin péngin bèn keluargané sing ana ing Filipina ya belajar Alkitab. Makané, dhèwèké ngandhani anaké wédok sing jenengé Andrea bèn mèlu belajar. Awalé, Andrea ora gelem soalé mikir nèk Seksi Yéhuwah kuwi sesat, ora percaya karo Yésus, lan sing dipercaya mung Perjanjian Lawas. Tapi lagi belajar ping pisan waé, Andrea langsung ngerti nèk Seksi Yéhuwah ora kaya ngono. Malah saben belajar, dhèwèké selalu ngomong, ”Iki kan sing disebutké ing Alkitab, dadi mesthi iki bener.”

Bar kuwi, Andrea ngenalké loro kancané lan siji kanca kerjané bèn belajar Alkitab karo Merry. Nah, Merry ora ngerti nèk ternyata selama iki tantené Andrea selalu mèlu ngrungokké pas Andrea belajar karo Merry. Tantené kuwi jenengé Angela lan Angela kuwi wuta. Angela ngomong karo Andrea nèk dhèwèké ya péngin belajar karo Merry. Angela seneng karo sing dipelajari. Malah ora nganti sesasi, dhèwèké wis apal akèh ayat Alkitab lan njaluk bèn belajaré seminggu ping papat. Angela ya mulai rutin teka ngibadah liwat konferénsi vidéo dikancani Andrea.

Merry ngamati nèk selama Kristin belajar, bojoné Kristin sing jenengé Joshua kuwi ana ing kono. Terus, Merry nawani Joshua belajar Alkitab.  Joshua ngomong, ”Aku gelemé mung ngrungokké thok. Aja ditakon-takoni. Pokoké aku wegah nèk ditakon-takoni.” Tapi ternyata, lagi belajar limang menit waé, pertanyaané Joshua luwih akèh timbang Kristin. Akhiré, Joshua ya péngin belajar Alkitab.

Mémang, pertanyaané Merry kétoké sederhana tapi hasilé luar biasa. Totalé ana wong 28 saka papat negara sing gelem belajar Alkitab. Merry nganti njaluk tulung karo sedulur-sedulur liyané kanggo mbantu meréka belajar Alkitab.

Wong-wong sing belajar Alkitab kuwi mau akhiré ya padha nggawé kemajuan. Misalé, Jasmin dibaptis sasi April 2021. Kristin dibaptis sasi Mei 2022 lan dhèwèké akhiré mulih ing Filipina. Loro kancané Kristin sing ya dijak belajar Alkitab ya wis dibaptis. Beberapa bulan sakwisé Kristin dibaptis, Angela ya dibaptis. Saiki, Angela wis dadi perintis biasa. Joshua, Andrea, lan beberapa wong liyané ya terus belajar lan ngetrapké sing meréka pelajari.

Saka pengalaman iki, apa sing isa dipelajari? Njenengan isa coba takon karo sing belajar Alkitab utawa wong-wong sing njenengan kunjungi, ”Apa ana kanca utawa keluargamu sing ya gelem belajar Alkitab?” Élinga nèk pas jamané Yésus lan para rasul, akèh wong ya padha ngerti sing bener kuwi merga dicritani kanca utawa keluargané. (Yoh. 1:​41, 42a; Kis. 10:​24, 27, 48; 16:​25-33) Dadi, nèk njenengan coba nakonké pertanyaan sederhana kuwi mau, sapa ngerti mengko ana luwih akèh sing gelem belajar Alkitab.