ISTILAH sing diterjemahké dadi ”kréta” ing Terjemahan Donya Anyar kuwi sakjané isa berarti beberapa jenis kréta. (Kis. 8:​28, 29, 38) Tapi, kétoké kréta sing dienggo pejabat Étiopia kuwi luwih gedhé timbang kréta perang utawa kréta balap. Lha ngapa kok isa nyimpulké kaya ngono?

Pejabat Étiopia kuwi pejabat tinggi sing lagi lunga adoh. Ing Alkitab disebutké, ”Pejabat kuwi nglayani ratu Kandaké sing mréntah ing Étiopia lan tugasé ngurus kabèh hartané kerajaan.” (Kis. 8:27) Mbiyèn, dhaérahé Étiopia kuwi termasuk Mesir bagéan selatan lan dhaérah sing saiki disebut Sudan. Merga perjalanané adoh, dhèwèké mesthi nggawa akèh barang, terus mungkin ya gonta-ganti kréta. Jaman mbiyèn, jenis kréta sing dienggo ngangkut penumpang kuwi biasané ana atapé, terus rodhané papat. Menurut buku Acts—An Exegetical Commentary, ”Kréta kaya ngono kuwi isa dienggo nggawa luwih akèh barang, isa marakké perjalanané luwih nyaman, makané isa dienggo lunga sing adoh.”

Pejabat Étiopia kuwi lagi maca pas diparani Filipus. Ing Alkitab disebutké, ”Filipus mlayu ing sebelahé kréta kuwi lan krungu pejabat Étiopia kuwi lagi maca tulisané Nabi Yésaya.” (Kis. 8:30) Kréta sing dienggo ngangkut penumpang kuwi biasané ora isa cepet. Mulané selama perjalanan, pejabat kuwi isa maca, terus Filipus ya isa ngoyak kréta kuwi.

Pejabat Étiopia kuwi ”ngejak Filipus munggah ing krétané lan lungguh ing sebelahé”. (Kis. 8:31) Nèk kréta balap, sing numpak biasané ngadeg. Tapi nèk kréta sing dienggo ngangkut penumpang biasané luwih gedhé, dadi isa dienggo lungguh. Makané, pejabat Étiopia kuwi ngejak Filipus lungguh ing sebelahé.

Ing publikasi-publikasi mbiyèn, gambar krétané pejabat Étiopia kuwi cilik, kaya kréta perang utawa kréta balap. Tapi, sesuai keterangan ing Kisah bab 8 lan bukti-bukti sejarah liyané, saiki pejabat Étiopia digambarké numpak kréta sing gedhé, sing dienggo ngangkut penumpang.