1. Menurut 1 Pétrus 5:2, apa tugasé para pinituwa?

 PARA pinituwa dipercaya Yéhuwah kanggo ngopèni domba-dombané. Para pinituwa nganggep kuwi kesempatan sing berharga lan péngin dadi ”gembala-gembala sing bener-bener ngopèni”. (Yér. 23:4; wacanen 1 Pétrus 5:2.) Awaké dhéwé mesthi bersyukur isa nduwé sedulur-sedulur sing kaya ngono.

2. Ngapa kok tugas dadi pinituwa kuwi abot?

² Dadi pinituwa kuwi ora gampang. Misalé, ana akèh tugas sing kudu dikerjakké. Tony, pinituwa saka Amerika Serikat, dadi sadhar nèk kudu ngerti keterbatasané wektu nampa tugas. Dhèwèké crita, ”Pas awal-awal pandemi COVID-19, aku nampa akèh tugas kanggo ngatur pertemuan ibadah lan nginjil. Meskipun akèh tugas sing wis tak tampa, aku ngrasa ana tugas-tugas liyané sing isih isa tak kerjakké. Tapi, suwé-suwé aku nganti ora nduwé wektu kanggo sinau Alkitab lan ndonga.” Ilir, pinituwa saka Kosovo ya ngadhepi masalah. Wektu ana perang, dhèwèké ngrasa manut arahané organisasi ora gampang. Dhèwèké crita, ”Aku ditugasi kantor cabang kanggo mbantu sedulur-sedulur ing dhaérah berbahaya. Aku wedi banget. Aku ngrasa nèk arahan kuwi ora masuk akal.” Tim, utusan injil saka Asia, ngrasa nèk ngrampungké tugas-tugas saben dina kuwi abot. Dhèwèké ngomong, ”Kadhang aku ngrasa kesel banget  nganti ora nduwé tenaga kanggo nggatèkké sedulur-sedulur.” Nèk njenengan para pinituwa ngalami sing padha, piyé?

3. Apa manfaaté sinau saka Hakim Gidéon?

³ Para pinituwa isa niru Hakim Gidéon. (Ibr. 6:12; 11:32) Dhèwèké kuwi gembala sing nylametké umaté Yéhuwah mbiyèn. (PH. 2:16; 1 Bb. 17:6) Saiki, para pinituwa dipilih Yéhuwah kanggo ngopèni umaté selama akhir jaman sing angèl diadhepi. (Kis. 20:28; 2 Tim. 3:1) Awaké dhéwé isa sinau saka Gidéon sing rendah hati, manut arahan, lan setya ngrampungké tugasé. Ora soal nglayani dadi pinituwa utawa ora, awaké dhéwé kabèh mesthi péngin menghargai kerja kerasé para pinituwa. Kuwi bukti nèk ndhukung para pinituwa.​—Ibr. 13:17.

4. Apa buktiné Gidéon rendah hati?

⁴ Gidéon kuwi rendah hati. b Yéhuwah milih Gidéon kanggo nylametké wong Israèl saka wong Midian. Pas malaékaté Yéhuwah ngandhani soal kuwi, Gidéon njawab, ”Ing antarané kabèh keluarga ing suku Manasyé, keluargaku kuwi ora penting. Ing keluargané bapakku, aku sing paling ora penting.” (PH. 6:15) Gidéon ngrasa ora pantes nampa tugas kuwi. Tapi, Yéhuwah ngerti nèk Gidéon sanggup ngrampungké tugasé. Merga dibantu Yéhuwah, Gidéon isa berhasil.

5. Kenapa rendah hati kuwi ora mesthi gampang?

⁵ Para pinituwa terus berusaha bèn rendah hati. (Mi. 6:8; Kis. 20:18, 19) Para pinituwa ora mbanggakké keberhasilan utawa kemampuané. Tapi, ya ora ngrasa gagal nèk nggawé salah. Kuwi ora mesthi gampang. Misalé, para pinituwa isa waé nampa akèh tugas, tapi ternyata ora isa ngrampungké kabèh. Utawa, dhèwèké dipuji ing tugas-tugas tertentu tapi pas ngerjakké tugas-tugas liyané, dhèwèké dikritik. Piyé para pinituwa isa niru Gidéon?

6. Piyé carané para pinituwa isa niru Gidéon sing rendah hati? (Deloken gambar kanggo paragraf 6.)

⁶ Njaluk bantuan. Para pinituwa sing rendah hati ngerti nèk nduwé  keterbatasan. Merga rendah hati, Gidéon gelem njaluk bantuané wong liya. (PH. 6:27, 35; 7:24) Tony, sing disebutké mau, crita, ”Merga caraku didhidhik mbiyèn, aku kerep nampa akèh tugas sing ngluwihi kesanggupanku. Dadi pas ibadah keluarga, aku mbahas soal sipat rendah hati lan takon piyé pandhangané bojoku. Terus aku ya nonton vidéo ing jw.org, Niru Yésus ing Bab Nglatih, Mènèhi Kapercayan, lan Kuwasa marang Wong Liya Bèn Isa Nindakké Tugasé.” Tony dadi gelem njaluk bantuané wong liya. Apa hasilé? Tony ngomong, ”Kabèh tugas ing jemaat isa rampung lan aku nduwé wektu kanggo Yéhuwah.”

7. Wektu dikritik, piyé para pinituwa isa niru Gidéon? (Yakobus 3:13)

⁷ Tetep tenang wektu dikritik. Para pinituwa isa niru Gidéon wektu dikritik. Gidéon mesthi sadhar nèk dhèwèké mung manungsa sing ora sampurna. Makané, pas wong Éfraim nesu-nesu karo dhèwèké, Gidéon tetep tenang lan ora nesu. (PH. 8:1-3) Dhèwèké ngrungokké lan apikan wektu njawab. Wektu ana sing ngritik, para pinituwa ya isa kaya ngono. (Wacanen Yakobus 3:13.) Hasilé, jemaat isa tetep rukun.

8. Para pinituwa kudu piyé nèk dipuji? Wènèhana conto.

⁸ Muji Yéhuwah. Wektu dipuji merga menang nglawan wong Midian, Gidéon muji Yéhuwah. (PH. 8:22, 23) Piyé para pinituwa isa niru Gidéon? Muji Yéhuwah pas berhasil. (1 Kor. 4:6, 7) Misalé, pas dipuji merga isa nyampèkké ceramah sing apik, dhèwèké isa ngomong nèk kuwi asalé saka Alkitab utawa merga awaké dhéwé kabèh wis dilatih organisasiné Yéhuwah. Para pinituwa ya isa mikirké, apa carané mulang ngluhurké Yéhuwah utawa mung nggawé wong liya terkesan. Gatèkna pengalamané pinituwa sing jenengé Timothy. Pas awal-awal dadi pinituwa, Timothy seneng nyampèkké ceramah. Dhèwèké crita, ”Pas nyampèkké ceramah, aku seneng nganggo kata pengantar lan perumpamaan sing njlimet. Mémang aku dipuji. Tapi, sedulur-sedulur malah nggatèkké aku, dudu Alkitab utawa Yéhuwah.” Timothy sadhar nèk carané mulang kudu diubah bèn sedulur-sedulur ora mung nggatèkké dhèwèké. (WB. 27:21) Hasilé apa? Timothy crita, ”Sedulur-sedulur ngomong nèk sakwisé ngrungokké ceramahku, sedulur-sedulur dadi isa ngadhepi masalahé, isa tetep setya, utawa tambah cedhak karo Yéhuwah. Aku luwih seneng krungu kuwi daripada pas mbiyèn sedulur-sedulur muji-muji aku.”

9. Kenapa Gidéon kudu manut arahan lan kendel? (Deloken gambar halaman 1.)

⁹ Sakwisé dilantik dadi hakimé Israèl, Gidéon kudu manut arahan lan kendel. Dhèwèké dikongkon ngancurké mézbah Baal duwèké bapaké. (PH. 6:25, 26) Terus, pas ngumpulké pasukan, ping loro Gidéon dikon ngurangi pasukané. (PH. 7:2-7) Wis ngono, Gidéon dikon nyerang perkémahan mungsuh pas tengah wengi.​—PH. 7:9-11.

10. Kenapa manut arahan kuwi ora mesthi gampang?

¹⁰ Para pinituwa kudu ”siap manut”. (Yak. 3:17) Piyé carané? Manut karo Alkitab lan arahan saka organisasiné Yéhuwah.  Dhèwèké bakal dadi conto kanggo sedulur-sedulur. Mémang kuwi ora mesthi gampang. Misalé, organisasi isa waé cepet banget mènèhi arahan sing paling anyar lan isa waé ngikuti kuwi angèl. Utawa, dhèwèké isa waé éntuk arahan sing kétoké ora masuk akal. Dhèwèké mungkin ya wedi dipenjara nèk manut arahan organisasi. Piyé carané para pinituwa isa niru Gidéon?

11. Piyé bèn para pinituwa isa manut arahan?

¹¹ Ngrungokké tenanan lan ngetrapké arahan. Yéhuwah ngandhani Gidéon carané ngancurké mézbahé bapaké, ing endi kudu mbangun mézbahé Yéhuwah, lan kéwan apa sing kudu dikorbanké. Gidéon ora protès, ning langsung manut. Jaman saiki, organisasiné Yéhuwah mènèhi arahan liwat surat-surat, pengumuman, lan petunjuk. Awaké dhéwé sayang karo para pinituwa sing terus manut arahané organisasi. Kabèh sing ana ing jemaat mesthi éntuk manfaat.​—Mzm. 119:112.

12. Piyé para pinituwa ngetrapké Ibrani 13:17 wektu ana perubahan?

¹² Réla menyesuaikan diri. Sesuai arahané Yéhuwah, Gidéon ngongkon mèh kabèh pasukané balik. (PH. 7:8) Gidéon mungkin mikir, ’Apa ana manfaaté nèk manut? Apa ya isa menang?’ Tapi Gidéon tetep manut. Para pinituwa ya isa niru Gidéon nèk manut pas ana perubahan. (Wacanen Ibrani 13:17.) Misalé, mbiyèn nèk mèh mbangun Balai Ibadah utawa Balai Pertemuan, kantor cabang bakal nyilihi dhuwit sik. Bar kuwi, jemaat-jemaat ing kono bakal mbalèkké dhuwité. Tapi taun 2014, Pengurus Pusat mutuské nèk Balai Ibadah isa dibangun ing endi waé ora soal jemaat ing kono isa nyumbang akèh utawa sithik. (2 Kor. 8:12-14) Kuwi isa kelakon merga ana sumbangan saka jemaat-jemaat sak donya. Wektu krungu soal kuwi, Sedulur José ngomong, ”Ora mungkin ana Balai Ibadah sing isa dibangun. Ing kéné ora isa kaya ngono.” Terus, piyé José akhiré gelem ndhukung arahan kuwi? Dhèwèké ngomong, ”Aku éling karo kata-kata ing Wulang Bebasan 3:5, 6 nèk aku kuduné percaya karo Yéhuwah. Ternyata hasilé luar biasa. Ana luwih akèh Balai Ibadah sing isa dibangun. Jemaat-jemaat sing kurang mampu dadi isa nduwé Balai Ibadah dhéwé.”

13. (a) Gidéon yakin soal apa? (b) Piyé para pinituwa isa niru Gidéon? (Deloken gambar kanggo paragraf 13.)

¹³ Kendel. Gidéon tetep manut karo Yéhuwah meskipun wedi lan isa waé dipatèni. (PH. 9:17) Gidéon ngerti nèk  Yéhuwah selalu nglindhungi umaté. Dadi dhèwèké yakin nèk Yéhuwah mesthi ya ndhukung dhèwèké. Kaya Gidéon, para pinituwa sing manggon ing negara sing nglarang Seksi-Seksi Yéhuwah ya kendel wektu ngibadah lan nginjil. Padahal sedulur-sedulur kuwi ditangkep, diinterogasi, ditokké saka gawéan, utawa digebugi. c Pas sengsara gedhé, para pinituwa ya kudu kendel manut arahan meskipun kuwi bahaya. Kuwi termasuk arahan kanggo nyampèkké berita sing kaya udan ès lan carané slamet saka serangan Gog saka Magog.​—Yèh. 38:18; Why. 16:21.

14. Apa buktiné nèk Gidéon tetep setya?

¹⁴ Gidéon kudu kerja keras pas dadi hakim. Gidéon perang nglawan wong Midian pas bengi-bengi. Pas wong Midian mlayu, Gidéon ngoyak saka Lembah Yizréèl nganti tekan Kali Yordan sing mungkin kebak semak-semak sing angèl diliwati. (PH. 7:22) Apa Gidéon mandheg ing Kali Yordan? Ora. Meskipun kesel, Gidéon karo 300 prajurité tetep ngoyak wong Midian. Akhiré wong Midian isa dikalahké.​—PH. 8:4-12.

15. Kenapa tetep setya kuwi ora mesthi gampang?

¹⁵ Para pinituwa isa waé ngrasa kekeselen utawa kewalahan merga kudu nggatèkké jemaat lan keluargané. Nèk ngono piyé carané isa niru Gidéon?

16-17. (a) Apa sing nggawé Gidéon isa tetep setya? (b) Para pinituwa isa yakin soal apa? (Yésaya 40:28-31) (Deloken gambar kanggo paragraf 16-17.)

¹⁶ Percaya nèk Yéhuwah bakal ndhukung. Gidéon percaya nèk Yéhuwah bakal mènèhi dhèwèké kekuwatan. Yéhuwah bener-bener mbantu Gidéon. (PH. 6:14, 34) Misalé, Gidéon karo prajurité kudu mlayu ngoyak loro raja Midian sing isa waé numpak unta. (PH. 8:12, 21)  Tapi merga dibantu Yéhuwah, wong Israèl isa menang. Para pinituwa ya isa percaya karo Yéhuwah, Gusti Allah sing ”ora tau kesel lan ora tau entèk kekuwatané”. Yéhuwah mesthi bakal mènèhi para pinituwa kekuwatan.​—Wacanen Yésaya 40:28-31.

¹⁷ Gatèkna pengalamané Matthew, anggota Panitia Penghubung Rumah Sakit. Dhèwèké crita, ”Aku wis ngrasakké nèk kata-kata ing Filipi 4:13 mémang bener. Pas aku ngrasa kesel lan ora kuwat manèh, aku ndonga tenanan njaluk bèn Yéhuwah mènèhi aku kekuwatan bèn isa mbantu sedulur-sedulur. Bar ndonga, aku dadi nduwé kekuwatan lan semangat manèh.” Kaya Gidéon, para pinituwa ya wis kerja keras kanggo ngopèni umaté Yéhuwah meskipun kuwi ora selalu gampang. Tapi, para pinituwa ya ngerti nèk nduwé keterbatasan lan kudu rendah hati. Meskipun ngono para pinituwa isa yakin nèk ndonga, Yéhuwah bakal ngrungokké lan mènèhi kekuwatan.​—Mzm. 116:1; Flp. 2:13.

18. Piyé carané para pinituwa niru Gidéon?

¹⁸ Ana akèh sing isa dipelajari saka Gidéon. Para pinituwa kudu ngerti keterbatasané wektu nampa tugas lan rendah hati wektu dipuji utawa dikritik. Para pinituwa ya kudu manut arahan lan kendel, apa manèh donyané Sétan wis mèh dihancurké. Ora soal masalah apa sing diadhepi, para pinituwa isa percaya nèk Yéhuwah bakal ndhukung. Awaké dhéwé mesthi menghargai kerja kerasé para pinituwa lan ”terus nresnani sedulur-sedulur sing kaya ngono kuwi”.​—Flp. 2:29.