Bèn isa nggawé Yéhuwah seneng, kudu nduwé iman. Tapi, ing Alkitab disebutké nèk ”ora kabèh wong nduwé iman”. (2 Tés. 3:2) Wektu ngomongké kata-kata kuwi, sing dimaksud Paulus kuwi ”wong-wong sing jahat lan kejem” sing nganiaya dhèwèké. Tapi sakjané ora mung meréka thok. Kuwi ya termasuk wong-wong sing ora percaya nèk ana Gusti Allah sing nyiptakké kabèh meskipun bukti-buktiné jelas. (Rm. 1:20) Terus, ya ana wong-wong sing nduwé kepercayaan nèk ana pribadi sing luwih kuwasa timbang manungsa. Tapi, kuwi dudu iman sing nggawé Yéhuwah seneng.

Awaké dhéwé kudu yakin tenan nèk Yéhuwah kuwi ana lan bakal mberkahi wong-wong sing beriman karo Dhèwèké. (Ibr. 11:6) Bèn isa nduwé iman, awaké dhéwé butuh roh suci. Nah bèn isa éntuk roh suci, kudu njaluk karo Yéhuwah liwat donga. (Luk. 11:​9, 10, 13) Cara liyané bèn isa éntuk roh suci kuwi kudu maca Alkitab, soalé Alkitab kuwi hasil saka roh suci. Terus, sing wis diwaca kuwi direnungké tenanan lan ditrapké. Bar kuwi, roh suci bakal nuntun bèn tingkah lakuné awaké dhéwé saben dina isa mbuktèkké nèk nduwé iman karo Yéhuwah.