”Wektu ndonga, aja ngucapké tembung-tembung sing padha lan dibolan-balèni.”​—Matius 6:7.

Yéhuwah ora péngin awaké dhéwé mbolan-balèni donga apalan utawa maca saka buku donga. Ning, Dhèwèké péngin awaké dhéwé ndonga saka ati. Njenengan mesthi jèngkèl banget nèk nduwé kanca sing omongané kuwi-kuwi thok. Kanca sing apik kuwi gelem nyritakké apa waé. Nèk nggunakké kata-katané dhéwé wektu ndonga, kuwi nduduhké nèk awaké dhéwé nganggep Gusti Allah kuwi kanca.

”Wektu kowé kabèh padha njaluk kuwi, kowé ora bakal nampa kuwi merga niatmu èlèk.”​—Yakobus 4:3.

Gusti Allah bakal njawab dongané awaké dhéwé nèk apa sing awaké dhéwé jaluk sesuai karo kepénginané. Contoné, apa Yéhuwah bakal njawab dongané wong sing njaluk bèn menang judhi? Yéhuwah wis jelas-jelas ngongkon bèn awaké dhéwé ora srakah lan ora percaya karo keberuntungan. (Yésaya 65:11; Lukas 12:15) Yéhuwah ora bakal njawab donga sing kaya ngono. Bèn dongané awaké dhéwé dijawab karo Gusti Allah, awaké dhéwé kudu mastèkké nèk apa sing awaké dhéwé jaluk kuwi sesuai karo kandhané Alkitab.

 ”Sing sapa ngénggokaké kupingé emoh ngrungokaké angger-angger, iku pandongané uga nistha.”​—Wulang Bebasan 28:9.

Ing jaman mbiyèn, Gusti Allah ora njawab dongané wong-wong sing ora manut karo pathokané. (Yésaya 1:15, 16) Nganti saiki Gusti Allah ora berubah. (Maléakhi 3:6) Nèk péngin dongané dijawab karo Gusti Allah, awaké dhéwé kudu manut karo pathokané. Ning, piyé nèk awaké dhéwé wis tau nggawé kesalahan? Yéhuwah bakal tetep ngrungokké nèk awaké dhéwé gelem mertobat lan ngupaya nyenengké Dhèwèké.​—Kisah 3:19.