Pengajar-Pengajar ing Filipina Éntuk Manfaat saka JW.ORG
Ing Taun 2016, Seksi-Seksi Yéhuwah éntuk hak istiméwa kanggo nduduhké video-video lan bahan-bahan saka situs jw.org marang pengajar-pengajar ing Propinsi Zamboanga del Norte, Filipina. Para Seksi nekani Departemen Pendidikan tingkat propinsi ing ibukota propinsi yaiku Dipolog City. Para pengurus ing kono nggumun banget karo situs jw.org, mula wong-wong kuwi ngundang para Seksi kanggo nyampèkké prèsentasi sing suwéné 30 menit ing telung seminar berikuté kanggo guru-guru sing ana ing Zamboanga del Norte.
Piyé prèsentasiné disampèkké?
Seksi-Seksi Yéhuwah nduduhké video lan bahan-bahan sing wis dipilih saka situs jw.org kanggo kira-kira 300 guru-guru ing saben seminar. Hadirin khususé seneng karo rembugan bab ”Carané Ngatasi Utang”. Akèh guru sing ngrasa nèk prèsentasi kuwi ora mung mbantu para murid ning uga guruné. Kabèh diwènèhi selebaran Yèn Ana Pitakonan Bab Urip, Arep Takon Karo Sapa?. Selebaran iki nduduhké manfaat lan katrangan-katrangan sing apik ing jw.org. Malah ana guru-guru sing download video-video saka jw.org.
Telung prèsentasiné suksès nganti Departemen Pendidikan propinsi ngatur supaya ana prèsentasi tambahan kanggo mbantu kira-kira 600 guru pembimbing lan pengajar liyané. Hasilé, ana akèh pujian sing tulus.
”Situs iki apik banget”
Ana hadirin sing ngomong nèk wis éntuk manfaat saka prèsentasi kuwi lan jw.org. Ana salah siji guru sing kandha, ”Aku maturnuwun, merga situs iki apik banget isa kanggo mbantu kanggo mulang murid-muridku.” Guru liyané kandha, ”Ana akèh sing isa tak sinaoni, khususé bab ngatasi strès. Situs iki apik banget, ora mung kanggo sing enom ning uga sing wis tuwa.”
Luwih saka 350 pengajar sing teka ndelok prèsentasi jw.org njaluk katrangan luwih akèh. Para Seksi ngekèki publikasi-publikasi lan mbagi naséhat sing apik saka Alkitab kanggo sing njaluk.
Seksi-Seksi Yéhuwah seneng banget merga luwih saka 1.000 pengajar teka ing prèsentasi jw.org ing Zamboanga del Norte lan ngerti piyé situs iki isa dadi alat kanggo mulang sing apik. Alat bantu iki isa migunani kanggo pengajar sakdonya merga ngekèki tuntunan ing bab moral, ètika, lan rohani. *
^ par. 9 Lembaga Pendidikan ing Filipina nduwé tanggung jawab ora mung mulang murid-murid ning uga mbantu para muridé bèn nduwé ”ètika lan rohani sing apik uga ningkatké moral sing apik lan dhisiplin dhiri”.—Konstitusi Républik Filipina Taun 1987, Pasal XIV, Bab 3.2.
Topik sing Ana Hubungané
BANTUAN KANGGO MASYARAKAT
Bantuan kanggo Cah Enom Yèn Dinakali ing Sekolah
Hugo, sing umuré sepuluh taun, nampa penghargaan Diana Award merga dhèwèké mbantu kanca-kanca sekolahé sing dinakali liyané. Apa sing ditindakaké cah enom iki?