Botswana kuwi negara penghasil berlian sing paling akèh sakdonya. Saka 22-28 Agustus 2016, Seksi-Seksi Yéhuwah ing Botswana mamèrké berlian sing luwih aji ing pamèran sing disebut Botswana Consumer Fair. Seksi-Seksi Yéhuwah mbukak gerai sing isiné wacan Alkitab, katrangan bab situs web jw.org, lan video bab keluarga.

Wong tuwa lan bocah-bocah sing mara ing gerai kuwi seneng banget karo sèri animasi Dadi Kancané Yéhuwah sing ngandhani carané ngetrapké pathokané Alkitab ing urip saben dina. Basa resminé negara Botswana kuwi Setswana. Merga mung ana sithik video animasi ing basa Setswana, wong-wong dadi péngin njaluk video kuwi.

Wong-wong sing teka ing pamèran kuwi saka akèh panggonan ing Botswana. Ana kira-kira 10.000 wacan sing wis ditampa wong-wong kuwi. Ana 120 sing njaluk sinau Alkitab gratis. Wong-wong padha nggumun merga para Seksi Yéhuwah saka jemaat basa Inggris lan basa Setswana isa kerja bareng-bareng ing pamèran kuwi.

Gerainé Seksi-Seksi Yéhuwah dadi gerai paling unggul lan éntuk penghargaan saka manajer pamèran.