Pengurus Pusat kuwi sak kelompok wong Kristen sing wis pengalaman. Wong-wong kuwi nyedhiakké tuntunan kanggo Seksi-Seksi Yéhuwah sak donya. Tugas utamané ana loro, yaiku:

•   Ngawasi bagéan sing nyiapké bahan-bahan saka Alkitab sing digunakké ing pertemuan ibadah, sekolah kanggo Seksi-Seksi Yéhuwah, lan sing ana ing bacaan-bacaan.​—Lukas 12:42.

•   Ngawasi gawéané Seksi-Seksi Yéhuwah sak donya, contoné ngekèki petunjuk soal gawéan nginjil lan ngawasi penggunaan dhuwit sumbangan.

 Pengurus Pusat niru conto saka ”para rasul lan para pinituwa ing Yérusalèm” sing nggawé keputusan-keputusan penting kanggo jemaat Kristen. (Kisah Para Rasul 15:2) Kaya para rasul lan para pinituwa kuwi, anggota Pengurus Pusat karo asistèné dudu pemimpiné Seksi-Seksi Yéhuwah. Saka Alkitab, wong-wong kuwi ngerti nèk sing dipilih Yéhuwah kanggo mimpin jemaat kuwi Yésus Kristus.​—1 Korintus 11:3; Éfésus 5:23.

 Anggotané Pengurus Pusat yaiku Kenneth Cook, Jr., Gage Fleegle, Samuel Herd, Geoffrey Jackson, Jody Jedele, Stephen Lett, Gerrit Lösch, Jacob Rumph, Mark Sanderson, David Splane, lan Jeffrey Winder. Wong-wong kuwi nglayani ing kantor pusaté Seksi-Seksi Yéhuwah ing Warwick, New York, AS.

 Anggota Pengurus Pusat dibagi dadi enem panitia sing ngawasi akèh gawéan, lan saben anggota nduwé tugas ing salah siji panitia utawa luwih.

•   Panitia Pengawas: Ngawasi masalah-masalah hukum, bencana alam, lan penganiayaan sing dialami Seksi-Seksi Yéhuwah merga tetep setya. Ngurusi nèk ana keadaan darurat sing dialami Seksi-Seksi Yéhuwah.

•   Panitia Keanggotaan: Ngurusi kebutuhané anggota keluarga Bètel.

•   Panitia Penerbitan: Ngawasi gawéan nyétak lan ngirim wacan Alkitab. Ngawasi pembangunan Balai Ibadah, kantor penerjemahan, lan fasilitas cabang.

•   Panitia Penginjilan: Ngawasi gawéan martakké ”kabar apik soal Kerajaan”.​—Matius 24:14.

•   Panitia Pendidikan: Ngawasi bagéan sing nyiapké bahan-bahan saka Alkitab sing digunakké ing pertemuan ibadah, sekolah-sekolah, lan audio vidéo.

•   Panitia Penulisan: Ngawasi bagéan sing nyiapké wacan-wacan tercétak lan artikel-artikel sing ana ing situs wèb. Panitia iki ya ngawasi penerjemahan.

 Sakliyané kuwi, Pengurus Pusat rapat saben minggu kanggo ngrembug kebutuhané organisasi. Pas rapat, Pengurus Pusat nggolèk tuntunan ing Alkitab, manut karo tuntunan roh suci, lan berupaya nggawé keputusan sing apik.​—Kisah Para Rasul 15:25.

 Sing mbantu kuwi wong-wong Kristen sing isa dipercaya lan meréka dadi asistèn panitia sing digawé Pengurus Pusat. (1 Korintus 4:2) Meréka wis pengalaman lan isa mbantu salah siji panitia. Meréka ya mèlu rapat saben minggu. Meskipun ora mèlu nggawé keputusan, tapi meréka isa mènèhi saran lan keterangan sing dibutuhké. Meréka ndhukung keputusané panitia lan nggatèkké hasil saka keputusan kuwi. Pengurus Pusat ya nugasi meréka kanggo marani sedulur-sedulur ing negara-negara liya. Kadhang meréka ditugasi ing acara-acara tertentu, misalé pertemuan tahunan utawa wisuda Giléad.