Ing Alkitab, tembung ”gréja” ing basa Yunani tegesé kumpulan wong sing ngibadah, dudu bangunan kanggo ibadah.

 Gatèkna conto iki. Wektu Rasul Paulus nulis surat marang wong-wong Kristen ing Rum, Rasul Paulus ngirim salam kanggo Akwila lan Priska, banjur kandha, ”Salam kanggo gréja sing ngumpul ing omahé Priska lan Akwila.” (Rum 16:5, Contemporary English Version) Paulus ora ngirim salam kanggo bangunan ibadah, ning kanggo wong-wong utawa jemaat sing ngumpul ing kana. a

 Dadi, Seksi-Seksi Yéhuwah ora nyebut panggonan ibadahé ”gréja”, ning ”Balé Ibadah”.

 Jeneng kuwi cocog merga:

•   Bangunan kuwi pancèn balé kanggo ngumpul.

•   Seksi-Seksi Yéhuwah ngumpul kanggo ngibadah marang Yéhuwah, Gusti Allah sing disebut ing Alkitab, lan kanggo mènèhi paseksi bab Yéhuwah.​—Jabur 83:19; Yésaya 43:12.

•   Seksi-Seksi Yéhuwah ngumpul kanggo sinau bab Kratoné Gusti Allah, sing kerep diwulangaké Yésus.​—Matéus 6:9, 10; 24:14; Lukas 4:43.

 Panjenengan diundang teka ing Balé Ibadahé Seksi-Seksi Yéhuwah sing cedhak omahé panjenengan, supaya bisa ndelok piyé ibadahé Seksi-Seksi Yéhuwah.