2018 წლის 6—18 ოქტომბერს ჩვენმა ძმებმა ორგანიზება გაუწიეს სტენდებით ქადაგების სპეციალურ კამპანიას, რომელიც დაკავშირებული იყო 2018 წლის ზაფხულში ბუენოს-აირესში გამართულ ზაფხულის ახალგაზრდულ ოლიმპიურ თამაშებთან.

თამაშებში მონაწილეობას იღებდა 4 000-ზე მეტი სპორტსმენი 206 ქვეყნიდან. ზაფხულის ახალგაზრდულ ოლიმპიურ თამაშებში მონაწილეობას იღებს ყველაზე მეტი სპორტსმენი 15-დან 18 წლამდე ასაკობრივ კატეგორიაში სპორტის სხვადასხვა სახეობაში. ამგვარად, უამრავ საერთაშორისო სპორტსმენსა თუ სხვა სტუმარს მიეცა შესაძლებობა, მოესმინა ბიბლიური ცნობა 6 400 იეჰოვას მოწმისგან, რომლებიც ჩართულნი იყვნენ კამპანიაში. ძმებმა 390-ზე მეტი სტენდი განათავსეს დაახლოებით 100 ადგილას.

ვინაიდან სტუმართა უმეტესობა ახალგაზრდა იყო, ძმებმა ძირითადი აქცენტი გააკეთეს ორ პუბლიკაციაზე — წიგნზე „ახალგაზრდების შეკითხვები“ და ბროშურაზე „პასუხები ახალგაზრდების 10 კითხვაზე“. ლიტერატურა ბევრ ენაზე იყო განთავსებული სტენდებზე. ამ ენებში შედიოდა არაბული, გერმანული, ესპანური ინგლისური, კორეული, პორტუგალიური, რუსული, ფრანგული და ჩინური ენები; აგრეთვე არგენტინული ჟესტური ენა. კამპანიის დროს დღეში საშუალოდ 790 პუბლიკაცია ვრცელდებოდა.

და-ძმები სიხარულით უზიარებდნენ ბიბლიურ იმედს ყველას — ახალგაზრდას თუ ხანდაზმულს (ფსალმუნი 110:3).