18 დეკემბერს, გამთენიისას, ბრაზილიის ქალაქ მანაუსს ხანძარი მოედო, რამაც, სულ მცირე, 600 სახლი გაანადგურა. მართალია, ხანძარს მსხვერპლი არ მოჰყოლია, მაგრამ სერიოზულად დაშავდა 4 ადამიანი და 2 000-ზე მეტს მოუწია საცხოვრებლის დატოვება.

ბრაზილიის ფილიალი იტყობინება, რომ არცერთი ჩვენი და-ძმა არ დაღუპულა და არ დაშავებულა. თუმცა დაიწვა 10 თანამორწმუნის სახლი, შედეგად, 18 მაუწყებელს და მათ ნათესავებს, რომლებიც არ არიან იეჰოვას მოწმეები, მოუწიათ საცხოვრებლის შეცვლა. ფილიალის მეთვალყურეობით სტიქიური უბედურებებით დაზარალებულთა დახმარების კომიტეტი ზრუნავს დაზარალებული მაუწყებლების საჭიროებებზე.

დარწმუნებულნი ვართ, რომ ხანძრის შედეგად დაზარალებული ჩვენი და-ძმები კვლავ მიენდობიან იეჰოვას, რომელიც არის „თავშესაფარი გაჭირვების დროს“ (ფსალმუნი 9:9, 10).