გვატემალაში იეჰოვას მოწმეები ეხმარებიან მიწისძვრით დაზარალებულებს. დასავლეთ გვატემალას, რომელიც მექსიკის საზღვართან ახლოს მდებარეობს, მიწისძვრა 2017 წლის 14 ივნისს, ოთხშაბათს, დაატყდა თავს. როგორც საინფორმაციო საშუალებები იტყობინებიან, მიწისძვრის სიმძლავრემ 6.9 მაგნიტუდა შეადგინა. სტიქიამ 5 ადამიანის სიცოცხლე შეიწირა და რამდენიმე მეწყერი გამოიწვია.

სტიქიის შედეგად არც ერთი იეჰოვას მოწმე არ დაშავებულა. თუმცა მოწმეების თაყვანისცემისთვის განკუთვნილი 11 შენობა და 17 სახლი დაზიანდა. ქალაქ მეხიკოში მდებარე იეჰოვას მოწმეების ცენტრალური ამერიკის ფილიალმა გვატემალაში დაზარალებულთა დახმარების სამი კომიტეტი ჩამოაყალიბა, რათა შეაფასოს ზარალი და ჰუმანიტარული დახმარება ჩაუტანოს დაზარალებულთ.

იეჰოვას მოწმეების ხელმძღვანელი საბჭო მსოფლიო მთავარი სამმართველოდან კოორდინირებას უწევს სტიქიური უბედურებით დაზარალებულთა დახმარებას, რისთვისაც მსოფლიო სამქადაგებლო საქმიანობისთვის გაღებულ შესაწირავებს იყენებს.

საკონტაქტო პირები:

საერთაშორისო: დეივიდ სიმონიანი, საინფორმაციო სამსახური, ტელ. +1-845-524-3000

მექსიკა: გამალიელ კამარილო, ტელ. +52-555-133-3048

გვატემალა: ხუან კარლოს როდასი, ტელ. +502-5967-6015