2020 წლის ივლისის დასაწყისში მოსულმა ძლიერმა წვიმებმა დატბორა კუნძული კიუშუ იაპონიაში, რასაც მოჰყვა მეწყრები. სტიქიამ განსაკუთრებით დააზარალა კუმამოტოს პრეფექტურის ქალაქებში, მინამატასა და ჰიტოიოშში, აგრეთვე ფუკუოკას პრეფექტურის ქალაქ ომუტაში მცხოვრები და-ძმები. არცერთი იეჰოვას მოწმე არ დაღუპულა, თუმცა ერთმა ძმამ და ერთმა დამ მიიღეს სხეულის მსუბუქი დაზიანებები. გარდა ამისა, წყალდიდობამ დააზიანა ჩვენი და-ძმების 48 სახლი და 2 სამეფო დარბაზი. სხვა 2 სამეფო დარბაზი კი მეწყერის შედეგად დაზიანდა.

სტიქიით დაზარალებულთა დახმარების საქმეს ორგანიზებას უწევს კიუშუსა და ოკინავას დაზარალებულთა დახმარების კომიტეტი, რომელიც იაპონიის ფილიალის ხელმძღვანელობით კოვიდ-19 პანდემიის დროს ჩამოყალიბდა. ადგილობრივი საპროექტო-სამშენებლო განყოფილების წარმომადგენლები და სარაიონო ზედამხედველები სტიქიის ზონაში მცხოვრებ და-ძმებს პირველადი მოხმარების ნივთებით ამარაგებენ.

ვლოცულობთ, რომ იეჰოვა ღმერთი, რომელიც „მოთმინების ძალას გვაძლევს და გვანუგეშებს“, კვლავაც ამოუდგეს მხარში სტიქიით დაზარალებულ ჩვენს და-ძმებს (რომაელები 15:5).