2021 წლის 30 მაისს გამოიცა „ქრისტიანულ-ბერძნული წერილების ახალი ქვეყნიერების თარგმანი“ ალური ენაზე. ძმა ჰუგო კაბიშუამ, კონგოს (კინშასა) ფილიალის კომიტეტის წევრმა, წინასწარ ჩაწერილი პროგრამის მეშვეობით გამოაცხადა ბიბლიის ამ ახალი თარგმანის ელექტრონული ვერსიის გამოცემის შესახებ.

• ალური ენაზე ლაპარაკობენ ცენტრალურ აფრიკაში, კერძოდ, კონგოს დემოკრატიული რესპუბლიკის ჩრდილო-აღმოსავლეთ ნაწილში და მეზობლად მდებარე უგანდაში.

• დაახლოებით 1 735 000 ადამიანი საუბრობს ალური ენაზე.

• 1 500-ზე მეტი მაუწყებელი მსახურობს 48 ალურენოვან კრებასა და ჯგუფში.

• პროექტზე 6 მთარგმნელი მუშაობდა 12 თვის განმავლობაში.

ძმა კრისტიან ბელოტიმ, კონგოს (კინშასა) ფილიალის კომიტეტის წევრმა, აღნიშნა: „ალური ენაზე მოლაპარაკე მაუწყებლებს ძალიან მოეწონებათ ეს ახალი ბიბლია. მისი მეშვეობით ისინი ადვილად ჩასწვდებიან ბიბლიური მუხლების მნიშვნელობას და სხვებსაც დაეხმარებიან, გაიგონ და დააფასონ ბიბლიური ჭეშმარიტება“ (ლუკა 24:32).

დარწმუნებულნი ვართ, რომ ბიბლიის ეს ახალი გამოცემა დაეხმარება ჩვენს და-ძმებს, კვლავაც გააცხადონ „მარადიული სასიხარულო ცნობა“ (გამოცხადება 14:6).