ჟესტურენოვანი JW ბიბლიოთეკის აპლიკაციის მე-4 ვერსიას, რომელიც 2020 წლის 15 თებერვალს გახდა ხელმისაწვდომი, დაემატა ახალი, ძალიან მნიშვნელოვანი ფუნქცია. თითის ერთი დაჭერით მომხმარებლებს შეეძლებათ დამატებითი მასალის გახსნა, რაც ძალიან გაუადვილებს მათ კრების შეხვედრებისთვის მომზადებას და პირადი შესწავლის ჩატარებას.

JW ბიბლიოთეკის აპლიკაციაში დიდი ხანია მომხმარებლებს შეუძლიათ კითხვის დროს ბმულების მეშვეობით გადავიდნენ ბიბლიურ მუხლებზე ან დამატებით წყაროებზე ისე, რომ არ დაკარგონ ძიების საწყისი ადგილი. თუმცა ჟესტურენოვანი მომხმარებლების შემთხვევაში გაცილებით რთული იყო ამის გაკეთება, რადგან შეუძლებელი იყო ავტომატური გადასვლა ვიდეოდან დამატებით წყაროზე.

ჟესტურენოვანი JW ბიბლიოთეკის აპლიკაციის მე-4 ვერსიაში წყაროები ნაჩვენებია ბმულების სახით. თითის ერთი დაჭერით მომხმარებლებს შეუძლიათ გადავიდნენ ამ წყაროებზე და მარტივად დაუბრუნდნენ საწყის ადგილს.

ნახეთ, როგორ გამარტივდა შუა კვირის შეხვედრისთვის მომზადება.

დარწმუნებულები ვართ, რომ ეს ახალი ფუნქცია დიდ დახმარებას გაუწევს ჩვენს და-ძმებს, რომლებიც ჟესტურენოვანი პუბლიკაციებით იღებენ სულიერ საზრდოს. ვემადლიერებით იეჰოვას, რადგან ის ყველანაირად ზრუნავს იმაზე, რომ შევძლოთ მასთან ურთიერთობის გაღრმავება (ფსალმუნი 119:97).

ნახეთ, როგორაა დაბადების 3:1-ში მოცემული სიტყვა „გველი“ დაკავშირებული გამოცხადების 20:2-თან და როგორ გვეხმარება ეს „ძველი გველის“ მნიშვნელობის დადგენაში.