2022 წლის 9 ნოემბერს რამაპოს ურბანული დაგეგმარების საქალაქო სამსახურმა ახალი ნებართვა გასცა ტერიტორიის ზონირებასთან დაკავშირებით. ეს საშუალებას მისცემს სამშენებლო კომიტეტს, რომ მიიღოს მშენებლობის ნებართვაც. a

გარდა ამისა, კონტრაქტორებმა უკვე გადააკეთეს და შეცვალეს რამაპოს კომპლექსამდე მისასვლელი გზა. მოხალისე და-ძმებმაც დაასრულეს შესასვლელ გზაზე არსებული ისტორიული ქვის ხიდის აღდგენა. აღდგენითი სამუშაოები მოიცავდა ხიდის გაფართოებას და გამაგრებას. ეს ხელს შეუწყობს სამშენებლო ტერიტორიაზე მძიმე ტექნიკისა და სახანძრო-სამაშველო მანქანების თავისუფლად გადაადგილებას. მშენებლობის პირველ ეტაპზე ტრანსპორტის მოძრაობა სწორედ ამ ხიდის მეშვეობით განხორციელდება.

სამშენებლო კომიტეტის წევრი, მეთიუ მორდეკი, აღნიშნავს: „ტერიტორიის ზონირებასთან დაკავშირებული ნებართვა საშუალებას გვაძლევს, რომ მშენებლობის ნებართვაც მოვითხოვოთ და ამა წლის დეკემბერში ტერიტორიის გასუფთავებაც დავიწყოთ“.

ვლოცულობთ, რომ იეჰოვამ კვლავაც ხელი მოუმართოს ამ პროექტზე მომუშავე ჩვენს და-ძმებს (ნეემია 1:11).