4 ᲡᲔᲥᲢᲔᲛᲑᲔᲠᲘ, 2023
ახალი ამბები სხვადასხვა ქვეყნიდან

რწმენა მათ შიშის დაძლევაში ეხმარება

მოსმენა

გაგარინსკის რაიონული სასამართლო (სევასტოპოლი, ყირიმი) მალე განაჩენს გამოიტანს ვიქტორ კუდინოვის და სერგეი ჟიგალოვის საქმეზე. პროკურორს ჯერ არ დაუკონკრეტებია, რა სახის სასჯელის შეფარდებას ითხოვს მათთვის.

ზოგადი ინფორმაცია

ვიქტორ კუდინოვი

დაბადების წელი: 1969 (ბუდაპეშტი, უნგრეთი)

ბიოგრაფია: მუშაობდა ავტობუსის მძღოლად.

1991 წელს დაქორწინდა სვეტლანაზე. ჰყავთ ქალ-ვაჟი.

ვიქტორი მას შემდეგ შეუერთდა სვეტლანას ბიბლიის შესწავლაში, რაც შენიშნა, რომ ბიბლიურმა პრინციპებმა დადებითი გავლენა იქონია მის ოჯახზე. სვეტლანა 2005 წელს მოინათლა, ვიქტორი კი — 2010 წელს.

პირადი გამოცდილება

როგორ გაგაძლიერა სხვების მაგალითმა?

ბევრს ვფიქრობდი ჩვენს ძმებზე, მაგალითად, ვიქტორ სტაშევსკიზე. ის პატიმრობაშია და ბევრი რამ მისთვის ადვილი ასატანი არაა. მისგან რამდენჯერმე მივიღე წერილი და უნდა აღვნიშნო, რომ საკუთარ თავზე საერთოდ არაა კონცენტრირებული. ის სხვებით არის დაინტერესებული და სიხარულს არ კარგავს. ვიქტორის მსგავსად სხვა უამრავი და-ძმაც კარგ მაგალითს მაძლევს. გარდა იმისა, რომ ისინი დევნის მსხვერპლნი არიან, სხვა არაერთ სირთულესაც ხვდებიან, მაგალითად, ჯანმრთელობის პრობლემები, მატერიალური საკითხები და ოჯახზე ზრუნვა. რეალურად მათ შეუძლიათ გააკეთონ არჩევანი და არ უერთგულონ იეჰოვას, რათა დევნის შედეგად გამოწვეულ პრობლემებს თავი აარიდონ, მაგრამ ისინი ორგულად არ ექცევიან არც იეჰოვას და არც და-ძმებს. როცა მათი მოთმინების მაგალითზე ვფიქრობ, ვხვდები, რომ მეც შევძლებ წარმატების მიღწევას.

სერგეი ჟიგალოვი

დაბადების წელი: 1971 (სნიჟნოი, უკრაინა)

ბიოგრაფია: მუშაობდა სანტექნიკოსად.

ბიბლიის შესწავლა 1994 წელს დაიწყო. განსაკუთრებული ყურადღება იმან მიიქცია, თუ როგორ პრაქტიკული წიგნია ბიბლია და როგორ ზუსტად სრულდება წინასწარმეტყველებები. მოინათლა 1996 წელს.

2007 წელს დაქორწინდა ოლგაზე.

პირადი გამოცდილება

რა გასწავლა ამ სიტუაციამ იეჰოვას შესახებ?

მართალია, იეჰოვამ დაუშვა დევნები, მაგრამ ზუსტად ვიცი, რომ ყველაფერს აკეთებს ჩემ დასაცავად და სანუგეშებლად. ახლა უკეთ მესმის იმ სიტყვების მნიშვნელობა, რომლებიც ესაიას 30:15-შია ჩაწერილი: „თქვენი ძალა მშვიდად ყოფნასა და მინდობაში იქნება“. ამ სიტყვებზე ფიქრი მეხმარება, რომ ზედმეტი არ ვიფიქრო იმაზე, რა შეიძლება მოხდეს მომავალში. მესმის, რომ თუ შემეშინდება, იეჰოვას ერთგული ვერ დავრჩები. ასეთი სახით საკუთარ თავს თავადვე ავუკრძალავ იეჰოვას თაყვანისცემას. ამას ელის სატანაც. თუმცა, თუ მივენდობი მშვიდობის მომცემ ღმერთს, შინაგანი სიმშვიდე მექნება. სიმშვიდე კი მეხმარება, გავძლიერდე.

დარწმუნებული ვართ, რომ იეჰოვა, „რომელსაც თავისი მსახურის მშვიდობა ახარებს“, კვლავ მხარს დაუჭერს ვიქტორსა და სერგეის (ფსალმუნი 35:27).

დროის დიაგრამა

2022 წლის 24 აგვისტო

აღიძრა სისხლის სამართლის საქმე. ორივე ძმის ბინაში ჩატარდა ჩხრეკა, რის შემდეგაც ისინი დააკავეს და განყოფილებაში გადაიყვანეს.
2022 წლის 26 აგვისტო

ორივე ძმა შინაპატიმრობაში გადაიყვანეს.
2022 წლის 17 ოქტომბერი

ორივე ძმა გაათავისუფლეს შინაპატიმრობიდან, თუმცა დაუწესეს გარკვეული შეზღუდვები.
2023 წლის 13 აპრილი

დაიწყო სასამართლო მოსმენა.

შეიძლება აგრეთვე დაგაინტერესოთ

ᲡᲘᲐᲮᲚᲔᲔᲑᲘ

რწმენის გამო დაპატიმრებულები — ყირიმი

იეჰოვას მოწმეებს ყირიმში რწმენის გამო აპატიმრებენ. გაეცანით მათ ისტორიებს და ნახეთ ყველა იმ იეჰოვას მოწმის ჩამონათვალი, რომლებიც ამჟამად იმყოფებიან პატიმრობაში. შესაძლებელია ამ სიის ამობეჭდვაც.

ᲡᲘᲐᲮᲚᲔᲔᲑᲘ