2024 წლის 1 ივლისს კრასნოგვარდისკის საოლქო სასამართლომ (ყირიმის რესპუბლიკა) დამნაშავედ ცნო იური გერაშჩენკო და სერგეი პარფენოვიჩი და ორივეს ექვს-ექვსი წლით პირობითი სასჯელი შეუფარდა. მათთვის გამოტანილი განაჩენი არ ითვალისწინებს თავისუფლების აღკვეთას.

დარწმუნებული ვართ, რომ იეჰოვა ღმერთი იურის და სერგეის არ მიატოვებს და „თავისი ფრთების ჩრდილს შეაფარებს“ ყველას, ვინც ერთგულებას ინარჩუნებს (ფსალმუნი 17:7, 8).

1. 2022 წლის 19 სექტემბერი

   სისხლის სამართლის საქმე აღიძრა სერგეის წინააღმდეგ.

2. 2022 წლის 28 სექტემბერი

   სერგეის სახლი იმ რვა სახლს შორის აღმოჩნდა, რომლებიც ფე-ეს-ბეს თანამშრომლებმა გაჩხრიკეს. ის გადაყვანილ იქნა დროებითი მოთავსების იზოლატორში.

3. 2022 წლის 30 სექტემბერი

   იგი წინასწარი დაკავების იზოლატორში გადაიყვანეს.

4. 2022 წლის 15 ნოემბერი

   სერგეი გაათავისუფლეს და შინაპატიმრობა მიუსაჯეს.

5. 2023 წლის 22 მარტი

   სისხლის სამართლის საქმე აღიძრა იურის წინააღმდეგ. ის დააპატიმრეს, დაკითხეს და დროებითი მოთავსების იზოლატორში გადაიყვანეს.

6. 2023 წლის 24 მარტი

   იური გაათავისუფლეს და შინაპატიმრობა შეუფარდეს.

7. 2023 წლის 12 ივლისი

   სერგეი და იური შინაპატიმრობიდან გაათავისუფლეს და გადაადგილების შეზღუდვა დაუწესეს.

8. 2023 წლის 28 ივლისი

   დაიწყო სასამართლო მოსმენა. პროკურორმა სერგეისა და იურის იმაში დასდო ბრალი, რომ კვლავ აგრძელებენ „დანაშაულებრივ ქმედებაში მონაწილეობას და მოწმეების დაშინებას“. არასაკმარისი მტკიცებულებების მიუხედავად, მოსამართლემ მეორედ მიუსაჯა ორივეს შინაპატიმრობა.