2023 წლის 27 თებერვალს იალტის საქალაქო სასამართლომ (ყირიმი) დამნაშავედ ცნო ტარას და დარია კუზოები, სერგეი ლიულინი და პიოტრ ჟილცოვი. სასამართლომ დარიას სამი წლით პირობითი სასჯელი შეუფარდა. მისთვის გამოტანილი განაჩენი არ ითვალისწინებს თავისუფლების აღკვეთას. რაც შეეხება ძმებს, მათ სასამართლომ თავისუფლების აღკვეთა შეუფარდა, ტარასს — ექვსწელიწად-ნახევრით, ხოლო სერგეის და პიოტრს — ექვსი წლითა და ერთი თვით. ისინი დაუყოვნებლივ გადაიყვანეს საპატიმროში.

1. 2021 წლის 4 მარტი

   ტარასს ექსტრემისტული ორგანიზაციის დაფინანსებაში დასდეს ბრალი.

2. 2021 წლის 11 მარტი

   ცხრა იეჰოვას მოწმის სახლში ჩატარდა ჩხრეკა, მათ შორის ტარასისა და სერგეის ბინებში. ტარასი განყოფილებაში გადაიყვანეს.

3. 2021 წლის 12 მარტი

   ტარასი შინაპატიმრობაში გადაიყვანეს, თუმცა უფლება არ მისცეს, რომ თავის ოჯახთან ერთად ეცხოვრა.

4. 2021 წლის 29 ივლისი

   დარიას, პიოტრის და სერგეის წინააღმდეგ აღიძრა სისხლის სამართლის საქმე. ისინი განყოფილებაში გადაიყვანეს.

5. 2021 წლის 30 ივლისი

   ოთხივე და-ძმის საქმე ერთ საქმეში გააერთიანეს. პიოტრი შინაპატიმრობაში გადაიყვანეს.

6. 2021 წლის 11 აგვისტო

   სერგეი დააპატიმრეს და 800 კმ-ის მოშორებით მდებარე დროებითი მოთავსების იზოლატორში გადაიყვანეს. 16-საათიანი მგზავრობის დროს ხელბორკილებით თავზემოთ მილზე იყო მიბმული, ხოლო ფეხები სკამზე ჰქონდა მიმაგრებული წებოვანი ლენტით.

7. 2022 წლის 1 მარტი

   სერგეი შინაპატიმრობაში გადაიყვანეს.

8. 2022 წლის 4 აპრილი

   დაიწყო სასამართლო მოსმენა.

9. 2022 წლის 11 ივლისი

   პიოტრი, სერგეი და ტარასი შინაპატიმრობიდან გაათავისუფლეს და გადაადგილების შეზღუდვა დაუწესეს.

იეჰოვა არასდროს ტოვებს მარტო მათ, ვინც მისი სახელის გულისთვის იდევნება. ამიტომ სადაც არ უნდა იყვნენ ღვთის ერთგული მსახურები, იქნება ეს შინაპატიმრობა, დროებითი მოთავსების იზოლატორი თუ ციხე, ისინი ისე არ არიან შევიწროებულნი, რომ განძრევა არ შეეძლოთ (2 კორინთელები 4:8, 9).