მონუმენტალის სტადიონზე მოთავსებულ რამდენიმე საცურაო აუზში 483 ადამიანი მოინათლა, ხოლო დანარჩენ ოთხ ადგილას — 236 ადამიანი.

სტუმრები ადგილობრივ მოწმეებთან ერთად ქადაგებდნენ.

ხელმძღვანელი საბჭოს წევრმა, ძმა სამუელ ჰერდმა, სამივე დღეს წარმოთქვა დასკვნითი მოხსენებები.

ჩამოსულ სტუმრებს გულთბილად შეეგებნენ ლიმაში, ხორხე ჩავესის საერთაშორისო აეროპორტში.

ბეთელის ტურის დროს სტუმრებმა დაათვალიერეს ბიბლიების გამოფენა და ნახეს, როგორ იყო შენარჩუნებული ღვთის სახელი ბიბლიის სხვადასხვა თარგმანში.

საკონგრესო დარბაზში მოწყობილი გასართობი ღონისძიების დროს ძმებმა მოაწყვეს ჩვენება, თუ როგორ კეთდება ტრადიციული კერძები. სურათზე ნაჩვენებია, როგორ ამზადებენ ერთ-ერთ ასეთ ტრადიციულ კერძს, „სევიჩეს“, რითაც სტუმრებს გაუმასპინძლდნენ.

წარმოდგენილი იყო მატყლის დართვის ტრადიციული ხელოვნება. მიღებულ ძაფს ხშირად სხვადასხვაფრად ღებავენ ბუნებრივი მცენარეული საღებავებით.

ექსკურსია ჩატარდა ფილიალშიც, სადაც აგრეთვე გაიმართა საღამოს ღონისძიება. წარმოდგენილი იყო მიუზიკლი, სახელწოდებით „გაფართოვდით“. წარმოდგენაში შედიოდა ტრადიციული ინსტრუმენტული საკრავებით შესრულებული მუსიკა და ცეკვები, რომლებიც დამახასიათებელია პერუს სამი ძირითადი რეგიონისთვის. ესენია: უდაბნო, ანდების მთები და პერუს ტროპიკული ტყეები.

საღამოს ღონისძიებაზე წარმოდგენილი იყო ტრადიციული ცეკვა „ტრუხილიო“.

პროგრამაში წარმოდგენილ მიუზიკლში ასახული იყო ქადაგების რამდენიმე სცენა. ასეთი ალიზის სახლები და ტანისამოსი დამახასიათებელია კუსკოს მაღალმთიან სოფელში მცხოვრები ხალხისთვის.

ღონისძიების დასასრულს პროგრამაში მონაწილე და-ძმები ემშვიდობებიან მაყურებლებს.