2022 წლის 22 დეკემბერს ვიაზემსკის რაიონულმა სასამართლომ (ხაბაროვსკის მხარე) დამნაშავედ ცნო ძმა სერგეი კუზნეცოვი და ორი წლითა და ხუთი თვით პირობითი სასჯელი შეუფარდა. მისთვის გამოტანილი განაჩენი არ ითვალისწინებს თავისუფლების აღკვეთას.

1. 2020 წლის 3 სექტემბერი

   ფე-ეს-ბეს თანამშრომლებმა გაჩხრიკეს სერგეის ბინა და ჩამოართვეს ბიბლია, ელექტრონული მოწყობილობები, მეხსიერების ბარათები და პუბლიკაციები.

2. 2021 წლის 2 აპრილი

   სერგეი შეიყვანეს ტერორისტთა სიაში. დაუბლოკეს საბანკო ანგარიშები.

3. 2021 წლის 9 ნოემბერი

   აღიძრა სისხლის სამართლის საქმე.

გვჯერა, იეჰოვა მისცემს ძალას რუსეთსა და ყირიმში მცხოვრებ ჩვენს და-ძმებს, რომლებიც ქრისტეს სახელის გულისთვის ბევრს იტანენ (გამოცხადება 2:3).