ზეისკის რაიონულმა სასამართლომ (ამურის ოლქი) დამნაშავედ ცნო ევგენი ბიტუსოვი და ლეონიდ დრუჟინინი და ორივე მათგანს თავისუფლების აღკვეთა შეუფარდა, ევგენის — ექვსი წლით, ხოლო ლეონიდს — ექვსწელიწად-ნახევრით. ორივე მათგანი დაუყოვნებლივ გადაიყვანეს საპატიმროში.

ვამაყობთ იმ და-ძმებით, ვინც კვლავაც ავლენენ მოთმინებასა და გამძლეობას, და ყველაფერში ღირსეულად წარადგენენ თავს, როგორც ეს ღვთის მსახურებს შეეფერებათ (2 კორინთელები 6:3—10).

1. 2019 წლის 21 მარტი

   სამართალდამცავებმა გაჩხრიკეს ევგენის, ლეონიდისა და კიდევ რამდენიმე იეჰოვას მოწმის ბინა ზეიაში.

2. 2020 წლის 10 აგვისტო

   აღიძრა სისხლის სამართლის საქმე.

3. 2020 წლის 13 ოქტომბერი

   სამართალდამცავებმა ევგენის და ლეონიდის სახლები ხელმეორედ გაჩხრიკეს. ლეონიდი გადაიყვანეს განყოფილებაში, სადაც 2 საათის განმავლობაში დაკითხვას უწყობდნენ.

4. 2022 წლის 20 ივნისი

   დაიწყო სასამართლო მოსმენა.