2022 წლის 8 ივნისი
ᲠᲣᲡᲔᲗᲘ
განახლებული ინფორმაცია — განაჩენის ცვლილება | თანაქრისტიანების მხარდაჭერა
ამა წლის 10 ნოემბერს ვოლოგდის საოლქო სასამართლომ განაჩენი გამოაცხადა იური ბარანოვისა და ნიკოლაი სტეპანოვის საქმეზე. სასამართლომ იურის წინააღმდეგ გამოტანილი განაჩენი ძალაში დატოვა, ხოლო ნიკოლაის ოთხი წლით თავისუფლების აღკვეთის ნაცვლად, ამავე ვადით, პირობითი სასჯელი შეუფარდა. ის დაუყოვნებლივ გაათავისუფლეს.
2022 წლის 5 სექტემბერს ვოლოგდის საქალაქო სასამართლომ დამნაშავედ ცნო იური და ნიკოლაი. იურის ოთხი წლით პირობითი სასჯელი შეეფარდა. მისთვის გამოტანილი განაჩენი არ ითვალისწინებს თავისუფლების აღკვეთას. რაც შეეხება ნიკოლაის, სასამართლომ მას ოთხი წლით თავისუფლების აღკვეთა შეუფარდა. განაჩენი დაუყოვნებლივ შევიდა ძალაში.
დროის დიაგრამა
2019 წლის 19 დეკემბერი
ვოლოგდაში ძალოვნებმა 6 იეჰოვას მოწმის სახლში ჩაატარეს ჩხრეკა. იური და ნიკოლაი დააკავეს და განყოფილებაში გადაიყვანეს.
2019 წლის 20 დეკემბერი
იური შინაპატიმრობაში გადაიყვანეს.
2019 წლის 23 დეკემბერი
ნიკოლაი დროებითი მოთავსების იზოლატორში გაგზავნეს.
2020 წლის 16 მარტი
იური შინაპატიმრობიდან გაათავისუფლეს, თუმცა გარკვეული შეზღუდვები დაუწესეს. მას ეზღუდებოდა მის საქმეში ჩართულ პირებთან კომუნიკაცია და ტელეფონისა და ინტერნეტის გამოყენება.
2020 წლის 19 მაისი
იურის მოუხსნეს შეზღუდვები.
2020 წლის 13 აგვისტო
ნიკოლაი შინაპატიმრობაში გადაიყვანეს.
2020 წლის 25 სექტემბერი
ნიკოლაის მოუხსნეს შინაპატიმრობა.
2022 წლის 7 მარტი
დაიწყო სასამართლო მოსმენა.
ზოგადი ინფორმაცია
ძალიან გვამხნევებს იმის დანახვა, რომ ჩვენი და-ძმები დევნის მიუხედავად ერთგულებას ინარჩუნებენ (1 თესალონიკელები 3:7).
შეიძლება აგრეთვე დაგაინტერესოთ
ᲡᲘᲐᲮᲚᲔᲔᲑᲘ
რწმენის გამო დაპატიმრებულები — რუსეთი
იეჰოვას მოწმეებს რუსეთში რწმენის გამო აპატიმრებენ. გაეცანით მათ ისტორიებს და ნახეთ ყველა იმ იეჰოვას მოწმის ჩამონათვალი, რომლებიც ამჟამად იმყოფებიან პატიმრობაში. შესაძლებელია ამ სიის ამობეჭდვაც.