ამა წლის 10 ოქტომბერს კეჟემსკის რაიონულმა სასამართლომ (კრასნოიარსკის მხარე) დამნაშავედ ცნო ილდარ ურაზბახტინი და ექვსი წლით პირობითი სასჯელი შეუფარდა. მისთვის გამოტანილი სასჯელი არ ითვალისწინებს თავისუფლების აღკვეთას.

1. 2021 წლის 20 ივლისი

   ქალაქ კოდინსკში, სულ მცირე, 5 იეჰოვას მოწმის ბინა გაჩხრიკეს, მათ შორის ილდარისა და მისი ოჯახის სახლი. ილდარი განყოფილებაში გადაიყვანეს.

2. 2021 წლის 21 ივლისი

   ილდარი შინაპატიმრობაში გადაიყვანეს და აუკრძალეს ტელეფონითა და ინტერნეტით სარგებლობა.

3. 2021 წლის 20 სექტემბერი

   ილდარი შინაპატიმრობიდან გაათავისუფლეს და დაუწესეს გადაადგილების შეზღუდვა.

4. 2022 წლის 13 იანვარი

   ილდარს ბრალი ვიდეოკონფერენციით შეხვედრების ჩატარების გამო დასდეს, სადაც „მისი ხელშეწყობით ღრმად შეისწავლიდნენ ბიბლიას და მისი მოწოდებით და-ძმებს მხარი უნდა დაეჭირათ ერთმანეთისთვის“.

5. 2022 წლის 30 მარტი

   დაიწყო სასამართლო მოსმენა.

ილდარისა და რუსეთში მცხოვრები ჩვენი სხვა და-ძმების მაგალითები შეგვახსენებს, რომ ჩვენი ღმერთი, იეჰოვა, „უსათუოდ შეგვეწევა გაჭირვების ჟამს“ (ფსალმუნი 46:1).