2022 წლის 20 იანვარი
ᲠᲣᲡᲔᲗᲘ
შვიდ იეჰოვას მოწმეს შემოქმედზე მინდობა აძლიერებს
პეჩორის საქალაქო სასამართლო (კომის რესპუბლიკა) მალე განაჩენს გამოიტანს ნიკოლაი ანუფრიევის, ედუარდ მერინკოვის, გენადი პოლიაკევიჩის, ალექსანდრე პრიპელსკის, ვიქტორ შჩანიკოვის, გენადი სკუტელეცის და ალექსანდრე ვორონცოვის საქმეზე. პროკურორს ჯერ არ დაუკონკრეტებია, რა სახის სასჯელის შეფარდებას ითხოვს მათთვის.
დროის დიაგრამა
2020 წლის 28 იანვარი
კომის რესპუბლიკაში ძალოვნებმა 12 იეჰოვას მოწმის სახლში ჩაატარეს ჩხრეკა. სისხლის სამართლის საქმე აღიძრა გენადი პოლიაკევიჩისა და გენადი სკუტელეცის წინააღმდეგ.
2020 წლის 30 იანვარი
გენადი პოლიაკევიჩი წინასწარი მოთავსების იზოლატორში გადაიყვანეს, გენადი სკუტელეცი კი — შინაპატიმრობაში.
2020 წლის 20—25 მაისი
საქმესთან დაკავშირებით ჩვენი პეჩორელი თანაქრისტიანები გამოიძახეს მოწმეებად. დაკითხვის დროს გამომძიებელი მუქარას მიმართავდა, რის გამოც ერთ ძმას ინსულტი დაემართა. ამჟამად ის თავს უკეთ გრძნობს.
2020 წლის 26 ივნისი
გენადი პოლიაკევიჩს იზოლატორში ყოფნის ვადა გაუხანგრძლივეს. მოსამართლემ აღნიშნა, რომ გენადის ბრალად ედება „წინასწარი განზრახვით განსაკუთრებით მძიმე დანაშაულის ჩადენა“. მოსამართლემ გენადის წინააღმდეგ მისივე ნათქვამი სიტყვებიც გამოიყენა, რომ, სამართალდამცავების მხრიდან დევნის მიუხედავად, არ შეწყვეტდა იეჰოვას მსახურებას.
2020 წლის 24 აგვისტო
სამართალდამცავებმა კიდევ 12 იეჰოვას მოწმის სახლში მოაწყვეს ჩხრეკა.
2020 წლის 10 ნოემბერი
სისხლის სამართლის საქმე აღიძრა ალექსანდრე პრიპელსკის, ალექსანდრე ვორონცოვის, ედუარდ მერინკოვის, ნიკოლაი ანუფრიევისა და ვიქტორ შჩანიკოვის წინააღმდეგ. მათი საქმე გენადი პოლიაკევიჩისა და გენადი სკუტელეცის წინააღმდეგ აღძრულ საქმეში გააერთიანეს.
2020 წლის 25 ნოემბერი
გენადი პოლიაკევიჩმა 300 დღე გაატარა დროებითი მოთავსების იზოლატორში, რის შემდეგაც შინაპატიმრობაში გადაიყვანეს.
2021 წლის 27 იანვარი
დაახლოებით ერთწლიანი შინაპატიმრობის შემდეგ გენადი სკუტელეცი გაათავისუფლეს.
ზოგადი ინფორმაცია
ეჭვი არ გვეპარება, რომ იეჰოვა არც ახლა და არც მომავალში არ მოაკლებს კურთხევას მასზე მინდობილ ჩვენს და-ძმებს (ფსალმუნი 27:13).
შეიძლება აგრეთვე დაგაინტერესოთ
ᲡᲘᲐᲮᲚᲔᲔᲑᲘ
რწმენის გამო დაპატიმრებულები — რუსეთი
იეჰოვას მოწმეებს რუსეთში რწმენის გამო აპატიმრებენ. გაეცანით მათ ისტორიებს და ნახეთ ყველა იმ იეჰოვას მოწმის ჩამონათვალი, რომლებიც ამჟამად იმყოფებიან პატიმრობაში. შესაძლებელია ამ სიის ამობეჭდვაც.