2020 წლის 17 ნოემბერს კამჩატკის სამხარეო სასამართლომ არ დააკმაყოფილა ვერას, კონსტანტინესა და სნეჟანას საჩივარი. ახლა უკვე ძალაში შევა პირველი ინსტანციის სასამართლოს მიერ მათ წინააღმდეგ გამოტანილი ორწლიანი პირობითი სასჯელი. მათთვის გამოტანილი განაჩენი არ ითვალისწინებს თავისუფლების აღკვეთას. სამივე მათგანი ინარჩუნებს სიმტკიცესა და სიხარულს.

2020 წლის 25 სექტემბერს, სასამართლო განხილვის ბოლოს, ძმა კონსტანტინემ გაბედულად განუცხადა მოსამართლეს, რომ სასჯელის მოხდის არ ეშინოდა. მან ისიც აღნიშნა, რომ დიდ პატივად თვლიდა, მასზეც რომ შესრულდა იოანეს 15:20-ში ჩაწერილი იესოს სიტყვები: „თქვენც გაგდევნიან“.

ძმა კონსტანტინემ ისიც აღნიშნა, რომ, მათეს 28:19, 20-ის თანახმად, იესომ თავის მიმდევრებს ქადაგება დაავალა, შემდეგ კი პირდაპირ დასვა კითხვა: ,,ვის აქვს უფლება, გააუქმოს ან აკრძალოს ის, რაც იესომ დაგვავალა? პირადად მე ვერ დავდუმდები. კვლავაც გავაგრძელებ სასიხარულო ცნობის სხვებისთვის გაზიარებას“.