2023 წლის 20 ივნისს სოჭის ცენტრალურმა რაიონულმა სასამართლომ დამნაშავედ ცნო დანილ სუვოროვი და 6 წლით თავისუფლების აღკვეთა მიუსაჯა. ის 2021 წლის 18 აგვისტოდან პატიმრობაში იმყოფება.

გვჯერა, რომ, თუ სულიერი საქმეებით დავკავდებით და ახლო ურთიერთობას შევინარჩუნებთ იეჰოვასთან, სირთულეების დროსაც კი ბედნიერები ვიქნებით (ფსალმუნი 16:11).

1. 2021 წლის 13 აგვისტო

   აღიძრა სისხლის სამართლის საქმე იმ პირის ჩვენების საფუძველზე, რომელიც დაინტერესებულად ასაღებდა თავს.

2. 2021 წლის 18 აგვისტო

   გაჩხრიკეს დანილის სახლი, რის შემდეგაც ის დააკავეს და განყოფილებაში გადაიყვანეს.

3. 2021 წლის 19 აგვისტო

   ის დროებითი მოთავსების იზოლატორში გადაიყვანეს.

4. 2022 წლის 29 აპრილი

   მას ბრალად დასდეს აკრძალული რელიგიური ორგანიზაციის საქმიანობის ორგანიზება, მასში მონაწილეობა და სხვების გაწევრიანების მცდელობა.

5. 2022 წლის 10 ივნისი

   დაიწყო სასამართლო მოსმენა.