1. 2021 წლის 22 ნოემბერს პერვორეჩენსკის რაიონულმა სასამართლომ (ვლადივოსტოკი, პრიმორიეს მხარე) უდანაშაულოდ ცნო დიმიტრი და ყველა ბრალდება მოუხსნა. ეს არის პირველი შემთხვევა რუსეთში, როცა „ექსტრემისტული ორგანიზაციის საქმიანობის ორგანიზებაში“ (რუსეთის სსკ-ის 282-ე მუხლის მე-2 ნაწილის 1-ლი აბზაცი) ბრალდებული იეჰოვას მოწმე უდანაშაულოდ ცნეს. სასამართლო მას ყველა დაწესებულ შეზღუდვასაც მოუხსნის. თუ პროკურატურა არ გაასაჩივრებს მიღებულ გადაწყვეტილებას, ის 2021 წლის 3 დეკემბერს შევა ძალაში.

2. 2021 წლის 20 აპრილი

   განახლდა სასამართლო მოსმენები.

3. 2020 წლის 18 დეკემბერი

   არასაკმარისი მტკიცებულებების გამო საქმე პროკურატურას დაუბრუნდა. თუმცა დიმიტრისთვის დაწესებული შეზღუდვები ძალაში დარჩა.

4. 2019 წლის 18 ოქტომბერი

   447-დღიანი პატიმრობის შემდეგ დიმიტრი გაათავისუფლეს, თუმცა მკაცრი შეზღუდვები დაუწესეს. სასამართლომ წინასწარი პატიმრობა დიმიტრის ათჯერ გაუხანგრძლივა.

5. 2018 წლის 28 ივლისი

   ელენა და დიმიტრი ელენას 90 წლის ბებიის სახლში იმყოფებოდნენ, როცა ძალოვნები დილის 7 საათზე სახლში შეიჭრნენ. ისინი თავიანთ ქალაქში, ვლადივოსტოკში, დააბრუნეს, რომელიც 177 კმ-ით არის დაშორებული ელენას ბებიის სახლიდან. დიმიტრი მაშინვე დროებითი მოთავსების იზოლატორში გადაიყვანეს.

6. 2018 წლის 27 ივლისი

   სისხლის სამართლის საქმე აღიძრა დიმიტრი ბარმაკინის წინააღმდეგ.

7. 2017 წლის ოქტომბერი

   ფედერალური უსაფრთხოების სამსახურის თანამშრომელმა, 30 წლის ქალბატონმა, დაინტერესებულად გაასაღა თავი და სხვადასხვა და-ძმასთან საუბრის ვიდეოჩანაწერი გააკეთა.

ძალიან გვამხნევებს დიმიტრის და ელენას მაგალითი. მართალია, სამართლებრივი დევნის გამო მათ შეიძლება კვლავ მოუწიოთ განშორება, მაგრამ ისინი სიხარულს არ კარგავენ, რადგან „იეჰოვასგან მომდინარე სიხარული [მათი] ძალაა“ (ნეემია 8:10).