6 ᲛᲐᲘᲡᲘ, 2024 | ᲒᲐᲜᲐᲮᲚᲔᲑᲣᲚᲘ ᲘᲜᲤᲝᲠᲛᲐᲪᲘᲐ: 11 ᲘᲕᲚᲘᲡᲘ, 2024
ᲠᲣᲡᲔᲗᲘ

ᲒᲐᲜᲐᲮᲚᲔᲑᲣᲚᲘ ᲘᲜᲤᲝᲠᲛᲐᲪᲘᲐ – ᲒᲐᲛᲐᲛᲢᲧᲣᲜᲔᲑᲔᲚᲘ ᲒᲐᲜᲐᲩᲔᲜᲘ | „იეჰოვა ყველაფერს აკონტროლებს“

მოსმენა

2024 წლის 10 ივლისს ხოროლსკის რაიონულმა სასამართლომ (პრიმორიეს მხარე) დამნაშავედ ცნო ბორის ანდრეიევი, ანატოლი ლი და ნატალია შარაპოვა. ბორისს ექვსი წლით, ანატოლის ექვსი წლითა და ექვსი თვით, ნატალიას კი სამი წლით თავისუფლების აღკვეთა მიესაჯა. განაჩენის გამოტანამდე სამივე მათგანი უკვე იმყოფებოდა დროებითი მოთავსების იზოლატორში.

ზოგადი ინფორმაცია

ბორის ანდრეიევი

დაბადების წელი: 1951 (მონასტირისჩე, პრიმორიეს მხარე)

ბიოგრაფია: მუშაობდა გადაუდებელი დახმარების თანამშრომლად.

მას შემდეგ, რაც მის შეკითხვებს ბიბლიიდან უპასუხეს, დარწმუნდა, რომ ჭეშმარიტება იპოვა. მოინათლა 2004 წელს.

დაქორწინდა ალექსანდრაზე 2020 წელს.

ინტერვიუ აღებულია ბორისის მეუღლისგან, ალექსანდრასგან a

როგორ დაგეხმარა მეუღლე ამ რთულ პერიოდში?

ბორისის დაკავების შემდეგ, მახსოვს, ერთ დღეს განსაკუთრებით გამიჭირდა. ემოციები მომაწვა და ცხარე ცრემლით ავტირდი. ბორისს წერილში ავუხსენი, როგორ ვგრძნობდი თავს. საპასუხო წერილში მან დამამშვიდა და მითხრა, რომ კარგად ესმოდა ჩემი. ისიც გამახსენა, თუ რა სირთულეები გვქონდა გადატანილი იეჰოვას დახმარებით. ზუსტად ეს მჭირდებოდა. უფრო მეტად დავრწმუნდი, რომ იეჰოვა არასდროს მიგვატოვებდა.

ანატოლი ლი

დაბადების წელი: 1985 (უზბეკეთი)

ბიოგრაფია: დადიოდა სხვადასხვა ეკლესიაში და ჰქონდა ბევრი შეკითხვა, რომლებზეც პასუხები ვერ მიიღო. იეჰოვას მოწმეებთან ბიბლიის შესწავლის დაწყების შემდეგ მიხვდა, რომ ჭეშმარიტება იპოვა, რამაც ძალიან გაიხარა. მოინათლა 2010 წელს.

დაქორწინდა რაისაზე 2011 წელს.

ინტერვიუ აღებულია ანატოლის მეუღლისგან, რაისასგან b

როგორ იგრძენით იეჰოვას დახმარება შენ და შენმა ქმარმა?

დაკავებიდან მალევე, ანატოლიმ მითხრა, რომ ჩემზე ძალიან დარდობდა, რადგან მარტო მიწევდა ყოფნა. მის დაპატიმრებამდე ყოველდღე ერთად ვაკეთებდით სულიერ საქმეებს. ის დაამშვიდა იმის გაგებამ, რომ იეჰოვა ჩემზე და-ძმების დახმარებით ზრუნავს და არაფერს მაკლებს. იეჰოვამ კიდევ ერთხელ დაგვიმტკიცა, რომ არასოდეს მიგვატოვებს.

ნატალია შარაპოვა

დაბადების წელი: 1972 (ყაზახეთი)

ბიოგრაფია: 1995 წელს იეჰოვას მოწმეებს შეხვდა და ბიბლიის შესწავლა დაიწყო. დარწმუნდა, რომ ბიბლია ღვთის სიტყვაა. მოინათლა 2012 წელს.

ინტერვიუ აღებულია ნატალიას დედისგან, ნინასგან c

რა ეხმარება ნატალიას, რომ წინასწარი დაკავების იზოლატორში ყოფნის მიუხედავად შეინარჩუნოს დადებითი განწყობა?

ნატალია არაერთ სირთულეს შეხვდა იზოლატორში ყოფნისას. იქ ძალიან ცივა. ნატალიას ხშირად აწუხებს თავის ტკივილი. მართალია, ზოგჯერ ითრგუნება, მაგრამ ბოლომდე სჯერა, რომ იეჰოვა ყველაფერს აკონტროლებს. მან თქვა: „ვიცი, რომ აქ სამუდამოდ არ დავრჩები. იეჰოვა მეხმარება, მოვითმინო და მეც მზად ვარ ლოდინისთვის“. სირთულეებმა ნატალია კიდევ უფრო დააახლოვა იეჰოვასთან. შეიძლება ითქვას, რომ იეჰოვას ის ხელში ჰყავს აყვანილი.

ანატოლის, ბორისის და ნატალიას შემთხვევები გვარწმუნებს, რომ იეჰოვა ყოველთვის შეისმენს ჩვენს ლოცვებს რთულ დროში ყოფნისას და მოთმინებისთვის საჭირო ძალას მოგვცემს (ფსალმუნი 20:1).

დროის დიაგრამა

2022 წლის 28 ივლისი

აღიძრა სისხლის სამართლის საქმე.
2022 წლის 6 ოქტომბერი

სოფელ იაროსლავსკში თორმეტი სახლი გაჩხრიკეს. ბორისი და ნატალია დროებითი მოთავსების იზოლატორი გადაიყვანეს.
2022 წლის 7 ოქტომბერი

ბორისი და ნატალია წინასწარი დაკავების იზოლატორში გადაიყვანეს.
2022 წლის 12 ოქტომბერი

ანატოლი გადაიყვანეს დროებითი მოთავსების იზოლატორში.
2022 წლის 13 ოქტომბერი

ანატოლი წინასწარი დაკავების იზოლატორში გადაიყვანეს.
2023 წლის 5 ოქტომბერი

დაიწყო სასამართლო მოსმენა.

a b c ამ სტატიის მომზადების დროს ბორისი, ანატოლი და ნატალია წინასწარი დაკავების იზოლატორში იმყოფებოდნენ, რის გამოც მათგან ინტერვიუს აღება ვერ მოხერხდა.

აგრეთვე იხილეთ

ᲡᲘᲐᲮᲚᲔᲔᲑᲘ

რწმენის გამო დაპატიმრებულები — რუსეთი

იეჰოვას მოწმეებს რუსეთში რწმენის გამო აპატიმრებენ. გაეცანით მათ ისტორიებს და ნახეთ ყველა იმ იეჰოვას მოწმის ჩამონათვალი, რომლებიც ამჟამად იმყოფებიან პატიმრობაში. შესაძლებელია ამ სიის ამობეჭდვაც.

ᲡᲘᲐᲮᲚᲔᲔᲑᲘ