2023 წლის 30 ივნისს ლენინსკის რაიონულმა სასამართლომ (ნოვოსიბირსკი) დამნაშავედ ცნო დიმიტრი დოლჟიკოვი და სამი წლით თავისუფლების აღკვეთა შეუფარდა. თუმცა მოსამართლემ გადაწყვიტა, რომ პატიმრობის ნაცვლად იძულებითი შრომის ვალდებულება დაეკისრებინა მისთვის. ამ სამი წლის მანძილზე სახელმწიფო მას ხელფასის 10%-ს დაუკავებს. გარდა ამისა, დიმიტრის ეკრძალება ქალაქის დატოვება.

გვჯერა, იეჰოვა კვლავაც მხარში ამოუდგება როგორც დიმიტრის, ისე თითოეულ ჩვენგანს. მას ხომ მხედველობიდან არ რჩება ჩვენი რწმენა და მოთმინება (გამოცხადება 2:19).

1. 2022 წლის 13 მაისი

   აღიძრა სისხლის სამართლის საქმე.

2. 2022 წლის 8 სექტემბერი

   გაჩხრიკეს დიმიტრის ბინა, რის შემდეგაც ის განყოფილებაში გადაიყვანეს.

3. 2022 წლის 9 სექტემბერი

   ჯერ დაკითხვა მოუწყვეს, შემდეგ კი ჩელიაბინსკიდან 1 500 კილომეტრის მოშორებით ნოვოსიბირსკში მდებარე დროებითი მოთავსების იზოლატორში თვითმფრინავით გადაიყვანეს.

4. 2022 წლის 11 ნოემბერი

   დაიწყო სასამართლო მოსმენა.

5. 2022 წლის 24 ნოემბერი

   გადაიყვანეს შინაპატიმრობაში.