2023 წლის 13 ოქტომბერს სოვეტსკის რაიონულმა სასამართლომ (ორიოლი) დამნაშავედ ცნო ვლადიმერ მელნიკი, ვლადიმერ პისკარევი და არტურ პუტინცევი და სამივე მათგანს 6 წლით თავისუფლების აღკვეთა შეუფარდა. ძმები 2020 წლის დეკემბრიდან იმყოფებიან პატიმრობაში.

1. 2020 წლის 8 დეკემბერი

   საქმე აღიძრა სამივე ძმის წინააღმდეგ.

2. 2020 წლის 9 დეკემბერი

   პოლიციელებმა გაჩხრიკეს იეჰოვას მოწმეთა რვა ბინა ორიოლში, მათ შორის ზემოაღნიშნული სამი ძმის სახლი. ისინი განყოფილებაში გადაიყვანეს.

3. 2020 წლის 11 დეკემბერი

   ვლადიმერ მელნიკი დროებითი მოთავსების იზოლატორში გადაიყვანეს.

4. 2020 წლის 14 დეკემბერი

   არტურ პუტინცევი დროებითი მოთავსების იზოლატორში გადაიყვანეს.

5. 2021 წლის 19 იანვარი

   სამართალდამცავებს აცნობეს, რომ ვლადიმერ პისკარევს რამდენიმე გადაუდებელი სამედიცინო მომსახურება ესაჭიროებოდა, თუმცა მათ ეს ინფორმაცია რეაგირების გარეშე დატოვეს და არც იმას დათანხმდნენ, რომ მისთვის მედიკამენტები მიეწოდებინათ.

6. 2021 წლის 21 იანვარი

   ვლადიმერ პისკარევს ნება დართეს, მიეღო მეუღლის მიერ მიტანილი მედიკამენტები, თუმცა სამედიცინო მომსახურებით უზრუნველყოფაზე კვლავ უარი განაცხადეს.

7. 2021 წლის 24 ივნისი

   ვლადიმერს ჩაუტარდა სამედიცინო გამოკვლევები საავადმყოფოში, რის შედეგადაც დადგინდა, რომ მას გადატანილი ჰქონდა ინსულტი. ჯანმრთელობის სავალალო მდგომარეობის მიუხედავად, ის დროებითი მოთავსების იზოლატორში დააბრუნეს.

8. 2021 წლის 29 ოქტომბერი

   ძმებს ოფიციალურად წაუყენეს ბრალი ექსტრემისტული ორგანიზაციის საქმიანობის ორგანიზების საფუძველზე.

9. 2022 წლის 31 იანვარი

   დაიწყო სასამართლო პროცესები.

მართალია, ეს ძმები ოჯახების წევრებს დროებით დააშორეს, მაგრამ ვიცით, რომ ვერაფერი ჩამოაშორებს მათ ღვთის სიყვარულსა და მფარველობას (რომაელები 8:38, 39).